جاڭالىقتار ساياسات قازاق شەجىرەسى الەۋمەت
مينيسترلىك: بيىل 6 ايدا قازاقستانعا 15 مىڭعا جۋىق ورالمان كەلدى
kerey.kz
قازاقستاندا 2016 جىلدىڭ التى ايىندا 14 مىڭ 947 ەتنيكالىق قازاق (6 مىڭ 840 وتباسى) كوشىپ كەلىپ، ورالمان مارتەبەسىن الدى دەپ حابارلادى بۇگىن دەنساۋلىق ساقتاۋ جانە الەۋمەتتىك دامۋ مينيسترلىگى.
رەسمي مالىمەت بويىنشا، قازاقستانعا كەلگەن ورالمانداردىڭ كوبى – 66,7 پايىزى وزبەكستاننان ورالعان. قىتايدان ورالعان ەتنيكالىق قازاقتار 23,6 پايىز، تۇركىمەنستاننان ورالعاندار 4,2 پايىز، موڭعوليادان ورالعاندار 2,4 پايىزدى قۇرايدى. قالعان 3,1 پايىزى – وزگە ەلدەردەن ورالعان قازاقتار.
سىرتتان ورالعان قازاقتاردىڭ كوپشىلىگى الماتى (4 مىڭ 729 ادام), وڭتۇستىك قازاقستان (3 مىڭ 44 ادام), ماڭعىستاۋ (2 مىڭ 311 ادام), جامبىل (1 مىڭ 254 ادام) وبلىستارىنا قونىستانعان. استاناعا 549 ادام، الماتىعا 219 ادام ورنالاسقان.
مينيسترلىك ەلگە ورالعان ەتنيكالىق قازاقتاردىڭ 64,2 پايىزى ەڭبەككە جارامدى ەكەنىن جانە ولاردىڭ 10,8 پايىزىنىڭ جوعارى ءبىلىمى، 17,8 پايىزىنىڭ ورتا ارناۋلى ءبىلىمى، 68,1 پايىزىنىڭ جالپى ورتا ءبىلىمى بارىن ايتادى. ورالمانداردىڭ 29,7 پايىزى 18 جاسقا دەيىنگىلەر، 6,1 پايىزى زەينەت جاسىنداعىلار.
ازات ەۋروپا / ازاتتىق راديوسى
پىكىر قالدىرۋ