قىركۇيەك ايى بارلىق جۇلدىز بەلگىسى وكىلدەرى ءۇشىن وڭ وزگەرىستەر الا كەلمەك دەپ جازادى stan.kz.
جۇلدىز-جورامال. كورنەكى سۋرەت: KAKPROSTO.RU
توقتى
قىركۇيەك ايىندا توقتىلاردى كوپ قىزىقتار كۇتۋدە. جاڭا تانىستار مەن قىزىعۋشىلىقتار پايدا بولادى. ولاردىڭ ءبارىنىڭ توقتىلار ءۇشىن ۇلكەن پايداسى بار.
بۇل ايدا قىزمەتتە قيىندىقتار مەن قاۋىپ-قاتەر تۋىندايدى. دەسە دە ولاردان ءدىن-امان شىعۋعا جاڭا تانىستار سەبىن تيگىزەدى. ال توقتىلاردىڭ تۋمىسىنان اينالاسىنداعىلارمەن جەڭىل ءتىل تابىسۋى بۇل ۋاقىتتا باعا جەتپەس قاسيەت رەتىندە تانىلماق.
قىركۇيەكتە قاراجاتىڭىزدى قاتاڭ باقىلاۋدا ۇستاعانىڭىز ءلازىم. توقتىلار قىزمەت اتقاراتىن مەكەمەدە قارجىعا بايلانىستى قيىندىقتار تۋىنداۋى مۇمكىن. ول ءوز كەزەگىندە جالاقىنىڭ ۋاقىتىلى بەرىلۋىنە ىقپال ەتەدى. سول سەبەپتى بۇل ايدا نەسيە الماۋعا تىرىسىڭىز.
جالعىزباستى توقتىلار بارىنە دايىن بولۋى كەرەك. مايمىل جىلى توسىن سىيلارىمەن جانە كۇرت وزگەرىستەرىمەن ەرەكشەلەنەتىندىكتەن، ومىرلىك سەرىگىڭىزدى كەز-كەلگەن ۋاقىتتا، كەز-كەلگەن جەردە كەزىكتىرۋىڭىز مۇمكىن. باستىسى، التىننان باعالى ءساتتى وتكىزىپ الماڭىز.
تورپاق
2016 جىلدىڭ قىركۇيەك ايى تورپاقتار ومىرىنە تۇبەگەيلى وزگەرىستەر اكەلەدى. ولار الدارىنا قويعان ماقساتتارىنىڭ بىرقاتارى ورىندالعانىن ءتۇسىنىپ، جاڭا بەلەستەردى باعىندىرۋعا بەل شەشەدى. بۇل رەتتە ءاۋ-باستان باعىتىڭىزدى ايقىنداپ الۋعا كەڭەس بەرەمىز، ومىردەگى جولىڭىز تاڭداعان باعىتىڭىزبەن ەتەنە بايلانىستى.
بۇل ايدا تورپاقتاردىڭ قارجىسىندا ءبارى بۇرىنعىشا قالا بەرمەك. اتالعان جۇلدىز بەلگىسىندە تۋعان ادامدارعا قالتاسىن قالىڭداتۋ ءۇشىن بار ىنتا-جىگەرىمەن كىرىسەر ءىستى تاڭداۋ كەرەك. بۇل رەتتە رۋحاني ءلاززاتتىڭ دا قالىس قالماعانى ابزال.
تورپاقتاردىڭ كۇزدىڭ العاشقى ايىنداعى ماحابباتى «انا مەن بالا» ويىنىن ەسكە سالادى. سەبەبى بۇل ۋاقىتتا تورپاقتار ەرەكشە ماحاببات پەن قامقورلىقتى قاجەتسىنەتىندىكتەن، ولاردىڭ سەرىگىنە انا ءرولىن اتقارۋعا تۋرا كەلەدى. تورپاقتار ازداعان ۋاقىت بولسىن وزدەرىن بالا سەزىنىپ، جىلۋ مەن قامقورلىققا بولەنگىسى كەلەدى.
ەگىزدەر
قىركۇيەكتە ەگىزدەر قىزۋقاندىلىققا بارماي، ساياحاتتان باس تارتىپ، سۇيىكتىسىمەن ۇرىس-كەرىستەن اۋلاق بولعانى ءجون. بۇل ايدا الىس ساپارعا اتتانۋدى جوسپارلاماۋعا تىرىسىڭىز ءارى ونى كەيىنگە قالدىرىڭىز. اي بويى تولىعىمەن جۇمىسقا بەرىلگەنىڭىز دۇرىس. وعان قوسا وزگەلەردەن كومەك كۇتپەي، تەك ءوز قاجىر-قايراتىڭىزعا سەنىڭىز.
ۇجىمنان بولەك وزدىگىڭىزدەن جۇمىس ىستەۋىڭىز كۇزدىڭ العاشقى ايىندا قوماقتى تابىس تابۋىڭىزا سەپ بولادى. ول ءۇشىن بار كۇش-جىگەرىڭىزدى جيىپ، بەلگىلى ءبىر سالاداعى جۇمىسقا جۇمساپ، وزىڭىزدە دە، ۋاقىتىڭىزدى دا اياماڭىز. بۇل رەتتە ەگىزدەردىڭ بويىنداعى جاۋاپكەرشىلىك پەن جىلدام ءارى دۇرىس شەشىم قابىلداۋعا قابىلەتتىلىگى كومەككە كەلمەك. سونىڭ ارقاسىندا مول تابىسقا كەنەلىپ، مانسابى جوعارىلايدى.
ال ماحاببات ماسەلەسىندە قىركۇيەك ايى – تىنىشتىق ۋاقىتى. وتكەن ايلاردا قىزىق-قۇمارعا باتىپ، باسى ارتىق ارەكەتتەرگە جول بەرۋىڭىز سەبەپتى سۇيىكتىڭىزبەن اراڭىزدا سالقىندىق ورنايدى. ماسەلەنىڭ ەكى شەشىمى بار: نە سۇيگەنىڭىزدىڭ رەنىشىن جازۋعا تىرىسىڭىز، نە وتكەندى ۇمىتىپ، وزگە اداممەن قول ۇستاسۋعا باردى سالىڭىز. الايدا جۇلدىزدار بۇل ايدا باستالعان قارىم-قاتىناستىڭ ۇزاققا سوزىلماسىن ەسكەرتەدى.
شايان
2016 جىلدىڭ قىركۇيەك ايى – شاياندار ءۇشىن قىزمەتىندە دە، جەكە وىمىرندە دە تاباندىلىق تانىتاتىن ۋاقىت. بۇل ايدا العا نىق قادام باسۋ ءۇشىن كۇش-قايراتىڭىزدى تۇگەلدەي جيۋ كەرەك بولادى. ناقتى ارەكەت جوسپارلارىن قۇرىپ، قانداي جاعداي تۋسا دا جوسپارىڭىزدان اۋىتقىماڭىز. سونىمەن قاتار ماڭايىڭىزداعىلاردىڭ كومەگىن كۇتپەستەن، جەكە-دارا ارەكەتتەنۋگە تالپىنىڭىز.
بۇل ايدا شاياندار ساناسىندا جۇمىسى مەن شىعارماشىلىق قىزمەتىنە قاتىستى جاڭا ويلار تۋىندايدى. العاشقى ۋاقىتتا ولار ايتارلىقتاي ناتيجە بەرۋى مۇمكىن. ءتىپتى، باستاعان ءىسى جەمىستى بولماسا دا، ماقساتىنا جەتپەي تىنبايتىن شاياندار قولعا العان ءىسىن جارتى جولدا قالدىرماي، ويداعىسىن تۇگەلدەي جۇزەگە اسىرۋعا تىرىسادى. ناتيجەسىندە مول تابىسقا كەنەلەدى.
سۇيىكتىسىمەن اراداعى قارىم-قاتىناس شايانداردىڭ تاباندىلىعىنا بايلانىستى. قاجىر-قايراتىن، سەزىمىن، شىعارماشىلىق قابىلەتىن، دارىندىلىعىنا كورسەتە بىلسە، ماحاببات وتىن مازداتىپ، قالاعان قارىم-قاتىناسقا قول جەتكىزەدى.
ارىستان
كۇزدىڭ العاشقى ايىندا ارىستاندارعا وتكەنىنەن ساباق الىپ، سانا سارابىنان وتكىزىپ، ءومىرى مەن قىزمەتىندە جاڭا كەزەڭگە قادام باسۋعا تۋرا كەلەدى. وسى كۇنگە دەيىن ويعا العاندارىنىڭ ءبارى جۇزەگە اسقانىن تۇسىنگەن بۇل جۇلدىز بەلگىسى وكىلدەرى اسقان شاتتىق، قۋانىشقا بولەنە قويمايدى. سەبەبى ولارعا ماقساتسىز ءومىردىڭ قىزىعى جوق. الايدا اراعا ءبىراز ۋاقىت سالىپ جاڭا شىڭداردى مەجەلەپ، كۇندەرى قايتا قىزىققا تولادى.
ارىستانداردىڭ قارجىلىق احۋالىندا وزگەرىس كۇتىلمەيدى. بىراق ماڭايىندا ءوزى جايلى وربىگەن وسەك-اياڭ بەدەلىنە نۇقسان كەلتىرەدى. وعان شامدانعانىمەن، قۇر سوزگە بولا ۋاقىت جۇمساماعاندى ءجون كورىپ، ومىرىندەگى ءدال قازىر ماڭىزدى ىسكە بار كۇش-جىگەرىن سالادى.
ال جەكە ومىرىنە كەلەر بولساق، قىركۇيەك ايىندا ماحاببات ماشاقاتىنا بوس ۋاقىت تابىلمايدى. بۇل ايدا ارىستانداردىڭ بار نازارى قىزمەتىنە اۋعان. دەسە دە جاڭا تانىستار پايدا بولىپ، سەزىمگە تولى كەزدەسۋلەرگە بارعانىمەن، ەكى تاراپ ءۇشىن دە ماڭىزدى بولماق ەمەس.
بيكەش
2016 جىلدىڭ قىركۇيەگى – بيكەشتەر ءۇشىن بەلسەندىلىك پەن جاڭا تانىستىق ايى. وعان قوسا بۇعان دەيىن قولعا العان جوبالارى جەمىسىن بەرەدى. الايدا جۇلدىزدار سۇيىكتىڭىزبەن قارىم-قاتىناسىڭىزدى ساقتاۋعا باردى سالۋعا كەڭەس بەرەدى.
بۇل اي – بيكەشتەرگە العا ۇمتىلىپ، ارمان-ماقساتىنا قول جەتكىزۋگە قولايلى. ءىس-ارەكەتىڭىزدىڭ دۇرىستىعىنا ءشۇبا كەلتىرمەي، باتىل شەشىم قابىلداۋعا تايسالماڭىز.
قىركۇيەكتە باستاعان جوسپارلارى مەن ىستەرى وڭ ناتيجە بەرىپ، از بولعانىمەن تۇراقتى تابىس اكەلە باستايدى. بۇل زاڭدى قۇبىلىس. سەبەبى قاشاندا ۇلكەن ءىستىڭ بارلىعى كىشىدەن باستالادى. قۋانىشىڭىزعا وراي تانىستارىڭىزدىڭ باسىن قوساتىن كەش ۇيىماداستىرىپ، العىس ءبىلدىرۋدى ۇمىتپاعانىڭىز ءلازىم.
قىركۇيەكتە بيكەشتەردىڭ بار ويى جوسپارلارى مەن ولاردى جۇزەگە اسىرۋ جولدارىنا اۋىپ، ۋاقىت بولمەۋى سەبەپتى جاقىن ادامىنىڭ قارىم-قاتىناستارىنا نۇكتە قويۋدى ۇيعارعانىن اڭداماۋى دا مۇمكىن. بۇل جاعدايدا دۇرىس شەشىم قابىلداپ، قيىندىقتان شىعۋ جولىن ويلاستىرعان ءجون. سەبەبى سۇيگەنىمەن قوش ايتىسۋ بيكەشتەردىڭ جان-الەمىنە عانا ەمەس، قولعا العان جوبالارىنا دا اسەرىن تيگىزبەي قويمايدى.
تارازى
تارازى جۇلدىز بەلگىسى ءۇشىن قىركۇيەك ايى قۋانىشقا تولى بولماق. ونىڭ سەبەبى دە از ەمەس. بۇل ايدا دوستارىڭىزبەن، ارىپتەستەرىڭىزبەن، جاڭا سەرىكتەستەرمەن كەزدەسەسىز. جانە كەزدەسۋەردىڭ قاي-قايسىندا بولماسىن ەل نازارى سىزگە اۋادى. ال بويىڭىزداعى دۇرىس قارىم-قاتىناس ورناتا بىلەتىن، وزگەنى وزىڭىزدەي تۇسىنە بىلەتىن قاسيەتىڭىز سەبەپتى بەدەلىڭىز ارتا تۇسەدى.
بۇگىنگى كۇنگە دەيىن تىنباي تەر توككەن جوبالارىڭىز ءدال وسى ايدا جەمىسىن بەرەدى. وتكەن ايلاردا كاسىبي بىلىكتىلىگىڭىزدى كورسەتىپ، ايانباي ەڭبەك ەتسەڭىز، قىركۇيەكتە ەڭبەگىڭىزدىڭ زەينەتىن كورىپ، ءلاززاتىنا باتاسىز.
بۇل ايدا جەكە ءومىرىڭىزدىڭ اسپانىندا بۇلت تۇنەرىپ، سالقىندىق ورنايدى. بولعان جايدا ەشتەڭەنى دە تۇبەگەيلى وزگەرتۋگە تىرىسپاڭىز. ەڭ دۇرىسى سابىر ساقتاپ، بۇل ۋاقىتتىڭ دا باستا ماڭگى تۇرماسىن ەستە ۇستاڭىز.
سارىشايان
قىركۇيەك ايىندا سارىشاياندار بويىندا كوشباسشىلىق قابىلەت ويانادى. وعان قوسا جولىندا ويى ءبىر ادامدار ۇشىراسىپ، العا قويعان ماقساتىنا قول جەتكىزۋگە كومەكتەسەدى. ونداي ادامدارعا جولىعىپ، كەڭەس ۋ ءۇشىن الىس ساپارعا اتتانۋىڭىز دا مۇمكىن.
بۇل ايدا سارىشاياندار وسى كۇنگە دەيىن تەر توككەن ەڭبەگىنىڭ جەمىسىن كورىپ، قالتاسى قالىڭدايدى. وعان قوسا اينالاسىنداعىلارعا دارىنى مەن مۇمكىندىكتەرىن كورسەتە الادى. ناتيجەسىندە قارجىلاي تۇرعىدا عانا ەمەس، رۋحاني لاززاتقا دا كەنەلەدى. قۋانىشىڭىزدى جاقىندارىڭىز، دوستارىڭىزبەن ءبولىسىپ، دۋمانداتقانىڭىز دا ارتىق ەتپەس.
جەكە ومىرىڭىزدە ايتارلىقتاي وزگەرىستەر ورىن المايدى. سۇيىكتىڭىزبەن اراڭىزداعى قاتىناس تۇراقتى بولماق. ودان بولەك، جاقىن ادامىڭىزدىڭ قانشالىقتى سەنۋگە تۇرارلىق جان ەكەنىن، ونىڭ سىزگە كورسەتكەن قولداۋىن ءتۇسىنىپ، سەزىمىڭىز ارتا تۇسەدى. ال جالعىزباستى سارىشاياندار كۇزدىڭ العاشقى ايىندا ومىرلىك سەرىگىن جولىقتىرۋى مۇمكىن.
مەرگەن
2016 جىلدىڭ قىركۇيەك ايى – مەرگەندەرگە قىزمەتىندە بەدەلى ارتىپ، اينالاسىنداعىلاردىڭ سەنىمىنە يە بولۋ ءۇشىن قولايلى ۋاقىت. كوپتەگەن مەرگەن ءبىلىمىن جەتىلدىرۋدى ماقسات ەتىپ، قالاۋىنا ساي ءبىلىم وردالارىن ىزدەۋگە كىرىسەدى.
بۇل اي اتالعان جۇلدىز بەلگىسى وكىلدەرى ءۇشىن ۇيلەسىمدىلىككە تولى بولماق. ارىپتەستەرىمەن ءتىل تابىسىپ، ءتىپتى، جاڭا ورتادا دا جانىنداعىلاردىڭ سەنىمىنە كىرە الادى.
بۇل ايدا مەرگەندەر مانسابى جوعارىلاۋ ءۇشىن ءبىلىمىنىڭ جەتكىلىكسىزدىگىن تۇسىنەدى. سوندىقتان كوبى ءبىلىمىن جەتىلدىرۋگە دەن قويادى. ال ونى ءجون كورمەگەن مەرگەندەر كاسىبي بىلىكتىلىگى جوعارى مامانعا جولىعىپ، تاجىريبەسىن ارتتىرادى. ءبارىنىڭ دە قىزمەتتەرىنە ىقپال ەتەرى انىق.
قىركۇيەك ايىندا ماحاببات ماسەلەسى تەك قۋانىش سىيلايتىن بولادى. سۇيىكتىڭىزبەن اراڭىزدا ەرەكشە سىيلاستىق پەن تۇسىنىستىك ورناپ، ءبىر-ءبىرىڭىزدى ءسوزسىز تۇسىنەتىن كۇيگە جەتەسىزدەر. ناتيجەسىندە كوپتەگەن مەرگەن قارىم-قاتىناسىن جاڭا دەڭگەيگە كوتەرىپ، شاڭىراق كوتەرۋى مۇمكىن.
تاۋەشكى
قىركۇيەكتە تاۋەشكىلەر ماقساتىنا جەتۋ جولىندا ءبىلىمىن ارتتىرۋعا، تاجىريبە جيناۋعا دەن قويادى. بۇل جاڭا ويلاردى جۇزەگە اسىرۋعا تاپتىرماس ۋاقىت. ال ماڭايىڭىزداعىلار بويىڭىزداعى تاباندىلىق، سەنىمدىلىك پەن كۇش-جىگەرىڭىزدى بايقاپ، قادىرىڭىز ارتادى. سوندىقتان تاۋەشكىلەر ءوزىن الەم پاتشاسىنداي سەزىنەدى.
كۇزدىڭ ءبىرىنشى ايىندا تاۋەشكىلەر كاسىبىن دوڭگەلەتۋ ءۇشىن جەتكىلىكتى بىلىمگە يەلەنبەگەنىن تۇسىنەدى. ناتيجەسىندە ءبىلىم الۋعا كىرىسىپ، كاسىبي بىلىكتىلىگىن ارتتىرۋعا تالپىنادى. مۇنىڭ بارلىعى كاسىبىنە دە، قارجى جاعدايىنا دا ىقپال ەتەدى. ولاردىڭ تابىسى ادامداردى ماگنيتشە تارتىپ، تاۋەشكىلەردىڭ كاسىبي شەبەرلىگىنە تاڭدانادى.
بۇل ايدا تاۋەشكىلەر ومىرلىك ماحابباتىن جولىقتىرادى. ءبىر-بىرىنە جاقىنداي باستاعان ءساتتى ىشكى تۇيسىكتەرىمەن سەزىنىپ، ارمانىنداعى سەرىگىنىڭ بەينەسىن تۇسىندە كورۋى مۇمكىن. ال ءبىراز ۋاقىتتان كەيىن كوپتەن كۇتكەن كەزدەسۋ وڭىندە ورىندالىپ، ءبىر كورگەننەن-اق ونىڭ تاعدىر جولداعان ادام ەكەنىن سەزىنەدى. ارالارىنداعى قارىم-قاتىناس جەڭىل ءارى جاعىمدى بولىپ قانا قويماي، ماڭگىلىككە ۇلاسادى.
سۋقۇيعىش
2016 جىلدىڭ قىركۇيەك ايىندا سۋقۇيعىشتاردىڭ قىزمەتىندە قيىندىقتار تۋىندايدى. جاعدايدى بىرقالىپتى ۇستاۋ ءۇشىن كۇش-جىگەرىڭىزدى اياماۋعا تۋرا كەلەدى. بۇل ايدا دەمالىستان سەرگىپ كەلگەن سۋقۇيعىشتار ءومىرىنىڭ باسقا سالالارىنا ۋاقىت تاپپاي، تەك جۇمىسقا عانا دەن قويادى. دەسە دە ناتيجەسىندە كاسىبي بىلىكتىلىگىڭىزدى ارتتىرۋ مۇمكىندىگىنە يە بولاسىز.
وتكەن ايلارمەن سالىستىرعاندا قىركۇيەكتە قارجىلىق وزگەرىستەر بايقالمايدى. وعان قوسا قارجى جاعدايىن وسى قالپىندا ساقتاۋ دا قيىنداي تۇسپەك. بۇل ءۇشىن كوپ كۇش سالۋعا ءماجبۇر بولاسىز. نە دە بولسا جاعدايدى نازاردان تىس قالدىرماۋعا تىرىسىڭىز.
بۇل ايدا سۋقۇيعىشتار اينالاسىنداعىلاردىڭ ماحابباتىنا بولەنەدى. ال جالعىزباستى سۋقۇيعىشتار جالعىزدىقتان ارىلىپ، ارمانىنداعى جاندى كەزىكتىرەدى.
بالىقتار
بالىقتار ءۇشىن قىركۇيەك ايى جاعىمدى وزگەرىستەرگە تولى بولماق. دەسە دە اسپانىڭىز ۇنەمى بۇلتسىز بولادى دەپ ويلاماڭىز. ول ءۇشىن جابىعۋدىڭ دا قاجەتى جوق. سەبەبى ادام جاماندىقسىز جاقسىلىقتىڭ قادىرىن بىلمەس ەدى.
ال قارجى جاعدايىنا كەلەر بولساق، بۇل ۋاقىت بالىقتار ءۇشىن جەمىستى بولادى. ولاردىڭ ساناسىندا كوپتەگەن جاڭا وي تۋىنداپ، ىسكە اسۋىنىڭ ناتيجەسىندە بايلىققا كەنەلتىپ، بەدەلىن كوتەرەدى. بۇل ايدا قولعا العان ءىسىڭىزدىڭ ءبارى ءساتتى ءارى تابىستى سيپات الماق.
قىركۇيەك ايىندا بالىقتار جۇرگەن جولدىڭ بارىندە جارالى جۇرەك ىزدەرى قالماق. اتالعان جۇلدىز بەلگىسى وكىلدەرىنىڭ تارتىمدىلىعى، سۇلۋلىعى سونشا، ولارعا عاشىق بولماۋ مۇمكىن ەمەس. وعان قوسا ءدال وسى ايدا بالىقتار ماحابباتىن جولىقتىرىپ، ماڭگىلىككە قول ۇستاسادى.
nur.kz
پىكىر قالدىرۋ