“قورعاس” شەكارا ىنتىماقتاستىق حالىقارالىق ورتالىعىنىڭ پرەزيدەنتى ۆاسيلي ني قولما-قول ميلليون دوللار پارا الىپ جاتقان جەرىنەن ۇستالدى، – دەپ حابارلايدى Tengrinews.kz سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ءباسپاسوز قىزمەتىنە سىلتەمە جاساپ.

“تەرگەۋ ناتيجەسىندە، “قورعاس” شەكارا ىنتىماقتاستىق حالىقارالىق ورتالىعىنىڭ پرەزيدەنتى بوپسالاۋ ارقىلى، ءوز قاراماعىنداعى ينۆەستورلارمەن جۇمىس ءبولىمىنىڭ باسشىسى سايدۋللاەۆ ارقىلى ءبىر ميلليون اقش دوللارىن “قورعاس تيۋلپان” جشس وكىلىنەن ينۆەستيتسيالىق تەندەردىڭ جاقسى ناتيجەسى ءۇشىن پارا العان. سونىڭ ىشىندە وسى جشس-عا حالىقارالىق ورتالىقتىڭ اۋماعىندا 5-ءشى ساناتتى قوناقۇيدىڭ قۇرىلىسىن سالۋ ءۇشىن تەندەردى جەڭىپ بەرەتىنىن ۋادە ەتكەن”، – دەدى سىبايلاس جەمقورلىققا قارسى ءىس-قيمىل ۇلتتىق بيۋروسىنداعىلار.

قازىرگى كەزدە ۆاسيلي ني قر قپك-نىڭ 128-بابىنا سايكەس ۇستالعان. سوتقا دەيىنگى تەرگەۋ جۇمىستارى جۇرگىزىلىپ جاتىر.

ورتالىقتىڭ سايتىنداعى مالىمەت بويىنشا، “قورعاس” شىحو-نىڭ جالپى كولەمى 560 گا، قازاقستاندىق جاعىنىڭ جالپى كولەمى – 217 گا، قىتايلىق جاعى – 343 گا.