“Qorğas” şekara ıntımaqtastıq halıqaralıq ortalığınıñ prezidenti Vasiliy Ni qolma-qol million dollar para alıp jatqan jerinen wstaldı, – dep habarlaydı Tengrinews.kz Sıbaylas jemqorlıqqa qarsı is-qimıl wlttıq byurosınıñ baspasöz qızmetine silteme jasap.

“Tergeu nätijesinde, “Qorğas” şekara ıntımaqtastıq halıqaralıq ortalığınıñ prezidenti bopsalau arqılı, öz qaramağındağı investorlarmen jwmıs böliminiñ basşısı Saydullaev arqılı bir million AQŞ dolların “Qorğas Tyul'pan” JŞS ökilinen investiciyalıq tenderdiñ jaqsı nätijesi üşin para alğan. Sonıñ işinde osı JŞS-ğa halıqaralıq ortalıqtıñ aumağında 5-şi sanattı qonaqüydiñ qwrılısın salu üşin tenderdi jeñip beretinin uäde etken”, – dedi Sıbaylas jemqorlıqqa qarsı is-qimıl wlttıq byurosındağılar.

Qazirgi kezde Vasiliy Ni QR QPK-nıñ 128-babına säykes wstalğan. Sotqa deyingi tergeu jwmıstarı jürgizilip jatır.

Ortalıqtıñ saytındağı mälimet boyınşa, “Qorğas” ŞIHO-nıñ jalpı kölemi 560 ga, qazaqstandıq jağınıñ jalpı kölemi – 217 ga, qıtaylıq jağı – 343 ga.