“ماحاببات جاسقا قارامايدى”. ماحاببات ۇلتقا دا قارامايدى. مۇنى ءبىز وتاندىق “جۇلدىزدار” مىسالىنان كورىپ ءجۇرمىز. سونىمەن، NUR.KZ پورتالى وزگە ۇلت وكىلدەرىمەن شاڭىراق كوتەرگەن جۇلدىزداردى نازارلارىڭىزعا ۇسىنادى.

بۇركىت پەن ايشا

بۇركىتتىڭ كەلىنشەگى ايشا - وزبەك ۇلتىنىڭ قىزى. بۇركىتتىڭ ءوزى بۇل تۋرالى ءبىر سۇحباتىندا جاسىرماي ايتقان بولاتىن. باۋىرلاس حالىقتاردىڭ پەرزەنتتەرى باس قوسىپ، بۇگىندە شەكەسى تورسىقتاي ەكى ۇل تاربيەلەپ وتىر. وتاندىق شوۋ-بيزنەستەگى ادەمى جۇپتار قاتارىندا بۇركىت پەن ايشانىڭ ەسىمى ءبىرىنشى بولىپ اتالاتىنى دا ولاردىڭ بەرىك ماحابباتتارىنىڭ ارقاسىندا.

گەننادي گولوۆكين

قازاقستان سپورتىنىڭ “جۇلدىزىنا”اينالعان گولوۆكيننىڭ جۇبايى – قازاق قىزى. گەننادي ءوزىنىڭ جارى تۋرالى كوپ ايتا بەرگەندى ۇناتپاعانىمەن، جۇرت ونىڭ ايەلى قازاق قىزى الينا ەكەنىن جاقسى بىلەدى. ولار 2007 جىلعى 7 شىلدەدە وتباسىن قۇرعان. قازىر ولاردىڭ ۆاديم ەسىمدى ۇلدارى بار.

لانا

وزگە ۇلت وكىلدەرىنە تۇرمىسقا شىققان جۇلدىزدار تۋرالى ەسكە العاندا، البەتتە، ءبىرىنشى كەزەكتە لانا كوز الدىعا كەلەدى. سكريپكاشى قىز ارميان جىگىتى كونستانتين ساركيسيانعا تۇرمىسقا شىققان. ولاردىڭ ۇلى گەورگيا ءتورت جاستا. ۇنەمى وتباسىن ءبىرىنشى كەزەككە قوياتىن سكريپكاشى قىز بۇگىندە وتباسىمەن بىرگە  ماسكەۋدە تۇرىپ جاتىر.

سەيفۋللين جولبارىس

تانىمال ءانشى سەيفۋللين جولبارىس جۋىردا جەلىدەگى پاراقشاسىنا ايەلىنىڭ سۋرەتىن سالىپ، ونى كورگەن جۇرت ونىڭ سۇلۋلىعىنا تامسانعان ەدى. جۇرت ونىڭ ءبىرىنشى ايەلىمەن اجىراسىپ كەتكەنىن ايتىپ، شۋلاعان بولاتىن. سەيفۋلليننىڭ ەكىنشى جۇبايى ورىس ۇلتىنىڭ وكىلى – ەكاتەرينا ليلۋيا.

باتىرحان شۇكەنوۆ

باتىرحان شۇكەنوۆتىڭ جەكە ءومىرى كوپ ايتىلا بەرمەيتىن تاقىرىپتاردان بولاتىن. بىراق ءانشى دۇنيەدەن وتكەننەن سوڭ، ونىڭ ايەلى ەكاتەرينا شەلياكوۆا مەن ۇلى ماقسۇتقا قاتىستى اقپاراتتاردىڭ بارلىعى ەلگە جاريا بولدى.

پارۆيز نازاروۆ پەن اليا ەسەنوۆا

تاجىك ۇلتىنىڭ وكىلى پارۆيزدىڭ جارى – قازاق. ءپارۆيزدىڭ جۇبايى ءاليا ەسەنوۆا دا ونەردەن قۇرالاقان ەمەس. ول تالانتتى پروديۋسەر رەتىندە تانىمال. ولاردىڭ وتباسى وتاندىق شوۋ-بيزنەستەگى بەرىك ءارى بەرەكەلى وتباسىلاردىڭ قاتارىندا ايتىلادى.

سۇندەت بايعوجين

تانىمال وپەرا ءانشىسى سۇندەت بايعوجين قىز قىزىعاتىنداي بولمىسىمەن، دارىنىمەن ەرەكشەلەنەدى. كوپ قىزداردىڭ ىشىنەن ول قازاق ەمەس، ورىس نەمەسە باسقا ەمەس جاپون قىزىن تاڭداعان. ول ءبىر سۇحباتىندا جاپون قىزىنا ۇيلەنۋ ءۇشىن ءتىپتى جاپون ءتىلىن دە ۇيرەنۋگە ءماجبۇر بولعانىن ايتقان. ءتىل ۇيرەنبەسە قىزىمدى بەرمەيمىن دەگەن جاپون اكەسىنىڭ تالابىن قازاق جىگىتى جەرگە تاستاماستان ورىنداعان. بالەت ءبيشىسى سەرينا سۋناگاۆا ەسىمدى جاپون قىزى مەن سۇندەتتىڭ ءسانيا ەسىمدى قىزدارى بار.

سيتورا نازاروۆا

نازاروۆتار وتباسى قازاقپەن قاراما-قارسى قۇدالار. پارۆيز قازاقتان قىز الىپ، قازاققا قارىنداسىن بەردى. ونىڭ قارىنداسى، ءانشى سيتورانىڭ كەزىندە “رىجىي الماز” دەگەن لاقاپ اتپەن تانىمال بولعان تۇلعا. شىن ەسىمى نەسىپباي ناسەنوۆ. ولار از ۋاقىت بىرگە تۇرعان سوڭ، ونىڭ كۇيەۋىن بەلگىسىز بىرەۋلەر ءولتىرىپ كەتكەن. سيتورا قورقىپ، بۇل دەرەكتى كوپ ۋاقىت بويى جاسىرىپ جۇرگەن. كەيىننەن ءوزى ءبىرسۇحباتىندا ايتىپ بەردى.

يۆان برەۋسوۆ

“101″ توبىنىڭ ءانشىسى يۆان برەۋسوۆ مەن ءدىلنازدىڭ اراسىنداعى ماحاببات حيكاياسى تۋرالى جۇرتتىڭ ءبارى بىلەدى. بىراق كەيىننەن ولاردىڭ جۇبى جاراسپاي، ايىرىلىپ كەتكەن بولاتىن. بۇگىندە يۆان قازاقتان قىز الىپ، كۇيەۋ بالا اتانعان. يۆان برەۋسوۆتىڭ تاڭداۋىنداعى قىزدىڭ ەسىمى- مەرۋەرت اسانوۆا.

ايگۇل باباەۆا

اعا بۋىن انشىلەر وكىلدەرىنىڭ ءبىرى ايگۇل باباەۆانىڭ دا تاڭداۋى ورىس جىگىتى ميحايل رومانيۋككە تۇسكەن. بيزنەسمەن، مۋزىكانت جانە پروديۋسەر ميحايل رومانيۋك پەن ايگۇلدىڭ ءبىر قىزى بار. ايتا كەتۋ كەرەك، قىزدارى اليسا برجستاۆتسيكايا قازاق جىگىتىنە تۇرمىسقا شىققان.

لاريسا يۆانوۆا 

“L دۋەتىنىڭ” ءسوليستى لاريسا يۆانوۆا كەزىندە مادەنيەت باسقارماسىنىڭ باسشىسى بولعان قايرات قۇلباەۆتىڭ جارى. جۇپ مەكتەپ كەزىنەن باستاپ بىرگە بولعان. لاريسا كەلىن بولىپ تۇسكەن كەزدە قازاقتىڭ بارلىق داستۇرلەردى ساقتاعانىن ايتادى.

مۇرات مۇتىرعانوۆ

مۇرات مۇتىرعانوۆاتىڭ ۇيلەنۋ تويى كوپشىلىكتىڭ جادىندا كوپكە دەيىن قالدى. ونىڭ جۇبايى اليسا ءوز تويىنا سپورتتىق اياق-كيىم كيىپ كەلىپ تاڭ قالدىرعان بولاتىن. ءبىر سۇحباتىندا مۇرات جۇبايى تۋرالى ايتىپ، “ول مەنەن گورى قازاق” دەگەن بولاتىن.

دەرەككوز: Nur.kz