پياز دەباتى
kerey.kz
28-قىركۇيەك كۇنى مۇحتار تايجان مەن گەرويحان قىستاۋباەۆ اراسىنداعى دەباتتى جازباسىنان قاراپ شىقتىم. ءبىر ەمەس ەكى رەت كوردىم. تەگىندە ەكەۋى دە جاقسى جىگىت. مۇحتاردىڭ سابىرى مەن تاباندىلىعى، سۇراقتارعا قۇقىقتىق نەگىزدە (اناسىمەن سوتتاسۋىنا بايلانىستى) جاۋاپ بەرۋى، گەرويحاننىڭ ديقاندار مۇددەسى ءۇشىن قام جەگەنى ۇنادى.
بىراق ەكەۋىندە دە كەمشىلىك بار. مۇحتاردىڭ امبيتسياسى، استامسۋى (جاسى ۇلكەن كىسىلەر مامىلەگە شاقىرعاندا ەستىمەگەنسۋى، كورمەگەنسۋى), جەكە ادامنىڭ نامىسىن قورلايتىنى (گەمورويحان) بايقالىپ تۇردى. كومەكتەسۋ تۋرالى ۋادەسىنە بايلانىستى سوزدەرىنە ء(وزىم باسقا قوزعالىس قۇرىپ كەتتىم دەۋى) شىنايىلىق (يسكرەننوست) جەتىسپەي جاتتى.
گەرويحاندا دالدىكتەن گورى ەموتسيا باسىم ەكەن. نەگىزگى كوزىرى «پياز داۋى» ماسەلەسى كەيىنگە شەگەرىلگەن سوڭ قالعان ۋاقىتتا مۇحتاردىڭ «سوتتاسۋى»، باياعىدا كومەكتەسەم دەپ الىپ، ارى قاراي سوزىندە تۇرماعانى ء(ىس جۇزىندە مۇحتار كومەكتەسۋ تۋرالى ەشقانداي قاعازعا قول قويماعان، تەك ىشكى نيەتىن عانا بىلدىرگەن ءتارىزدى), ءوزىن جامان سوزبەن ماسقارالاعانى جايىندا اۋىلىشىلىك ماسەلەلەرگە تومەندەپ كەتتى.
مۇحتار سوڭىندا قولىن ۇسىنعان تۇستا جاسى ۇلكەن اعاسىنان ارتىق كەتكەنى ءۇشىن كەشىرىم سۇراعانى جاراسار ەدى. تاكاپپارلىعى جىبەرمەي تۇردى. قازاقي ۇعىم-تۇسىنىكتەن الىستاۋ ەكەن.
ەكى ادامنىڭ اراسىنداعى قورلانعان نامىسقا بايلانىستى داۋدى ەلدى ارالاستىرماي سوت ارقىلى دا شەشۋگە بولاتىن. ىرىلىك كۇتىپ ەدىك، ول ءۇمىت اقتالمادى. سيىردىڭ جاپاسىنا تالاسقان اۋىلدىڭ كەلىندەرىندەي ەكەۋى شاپتىعىسىپ ۇرسىسىپ كەتتى.
قازاق مەملەكەتتىلىگىنىڭ بولاشاعىنا قام جەپ جۇرگەن ۇلتتىق ماقساتتارىمىزدىڭ دەڭگەيى بۇلاردان الدەقايدا بيىك. مىنبەرلىك جەكپە جەك «ەكسكليۋزيۆ» ءۇشىن كەرەك بولار. ال جالپى قازاق قوعامى ءۇشىن، ۇلت جولىندا جانىمىز پيدا دەپ جۇرگەن جىگىتتەر ءۇشىن مۇنداي «دەباتتاردىڭ» كوك تيىنعا قاجەتى جوقتىعىنا كوزىمىز جەتتى!
مارات توكاشباەۆتىڭ facebook پاراقشاسىنان الىندى
پىكىر قالدىرۋ