قازاقستان رەسپۋبليكاسىنىڭ ازاماتتىعىن الۋعا مۇمكىندىكتەرى بولماي جۇرگەن ورالمانداردىڭ ماسەلەسىن ەسكەرە وتىرىپ، دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك، الەۋمەتتىك قورعاۋ جانە كوشى-قون كوميتەتى ورالمان مارتەبەسىن جوعالتىپ، جەڭىلدەتىلگەن تىركەۋ تارتىبىمەن ەل ازاماتتىعىن الا الماي جۇرگەن ەتنيكالىق قازاقتارعا ورالمان مارتەبەسىن قايتا بەرۋ جونىندە شەشىم قابىلداعان.
وسىعان بايلانىستى، قازىرگى ۋاقىتتا ورالمان مارتەبەلەرىن جوعالتقان ەتنيكالىق قازاقتارعا ءوز مارتەبەلەرىن راستاۋ ءۇشىن وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارىنا، الماتى قالاسى مەملەكەتتىك ەڭبەك ينسپەكتسياسى جانە كوشى-قون باسقارماسىنا، استانا قالاسى جۇمىسپەن قامتۋ، ەڭبەك جانە الەۋمەتتىك قورعاۋ باسقارماسىنا جۇگىنۋ قاجەت.
ورالمان مارتەبەسىن راستاعاننان كەيىن ەتنيكالىق قازاقتار تىركەۋدە تۇراتىن جەرلەرى بويىنشا كوشى-قون پوليتسياسى بولىنىستەرىنە «قازاقستان رەسپۋبليكاسىنىڭ ازاماتتىعى تۋرالى» زاڭنىڭ 16-1-بابىنا سايكەس قازاقستاننىڭ ازاماتتىعىنا تiركەۋ تارتiبiمەن قابىلداۋ تۋرالى ءوتىنىش بىلدىرە الادى. ءوتىنىشتى قاراۋ مەرزىمى ءۇش ايدى قۇرايدى.
«ەگەمەن-اقپارات»
پىكىر قالدىرۋ