قازاقستاندىق تانىمال پروديۋسەر بايان ەسەنتاەۆا Facebook جەلىسىنە ءوز فاميلياسىمەن تىركەلدى، – دەپ حابارلايدى Tengrinews.kz تىلشىسى.

سونىمەن قاتار، ول Instagram جەلىسىندە تەگىن اۋىستىردى. الەۋمەتتىك جەلىدە ول Bayan Maxatkyzy دەپ اۋىستىرعان.

ەسكە سالايىق، 10 ماۋسىمدا بايان ەسەنتاەۆا تالعار اۋرۋحاناسىنا باسسۇيەك مي جاراقاتى، پىشاق جاراقاتى جانە مۇرىننىڭ سىنۋى دياگنوزىمەن تۇسكەن بولاتىن. الدىن الا مالىمەت بويىنشا، ونى كۇيەۋى باقىتبەك ەسەنتاەۆ ۇرىپ-سوققان. بۇل وقيعا قۇلجا تاس جولىندا بولعان. جابىرلەنۋشىگە ءۇش ساعات بويى وتا جاسالدى. قازىرگى ۋاقىتتا بايان ەسەنتاەۆانىڭ دەنساۋلىعى جاقسارىپ، ول جۇمىسىن باستاپ كەتتى.

ال باقىتبەك ەسەنتاەۆ كىسى ولتىرۋگە وقتالۋ، سەكسۋالدىق سيپاتتاعى زورلىق ارەكەتتەرى جانە زورلاۋ باپتارى بويىنشا ايىپتالىپ جاتىر. سوت جابىق تارتىپتە ءوتىپ جاتىر. الدىن الا سوت تىڭداۋى القا بيلەردىڭ قاتىسۋىمەن وتەدى.

tengrinews.kz