قىزىقتى اڭگىمە ءوربىپتى. ءبىز ءۇشىن سۇقباتتىڭ ەلباسىمىز ن.نازارباەۆقا قاتىستى ۇزىگى ەلەڭ ەتەرلىك ەكەن. سونى ءتارجىمالاپ نازارلارىڭىزعا ۇسىندىق.

“ – ءيا. مەن ەلتسيننىڭ قاسىندا وتىردىم. سوسىن ءبىز تەلەفون ارقىلى كانىگى دوستار سەكىلدى ءجيى حابارلاسىپ تۇردىق. ول العاشقى مينۋتتان-اق “سەنگە” كوشتى. تەنگيز، تەنگيز دەيتىن. تاعى ءبىر وقيعا ەسىمنەن كەتپەيدى. 1992 جىلعى مامىر ايىنداعى تاشكەنتتە وتكەن تمد ءسامميتى. گۇرجىستان تمد-نىڭ مۇشەسى بولماسا دا مەنى شاقىردى، سەبەبى، وندا كەڭەستىك مۇلىكتى ءبولۋ ماسەلەسى تالقىلاناتىن ەدى. بىتكەن سوڭ مەيرامحانادا استا-توك قوناقاسى بەرىلدى. ءبارى وتىر. دەلەگاتسيا باسشىلارىن ءسال جوعارى وتىرعىزعان. ورتاعا رەسەيدىڭ پاتشاسى جايعاسقان. ءبىر جاعىندا نازارباەۆ – قازاقستان، مەن, تەر-پەتروسيان – ارمەنيا جانە تاعى باسقالار; ەكىنشى جاعىندا – ەل قوجايىنى مارقۇم كاريموۆ، ودان كەيىن مارقۇم گايدار، رەسەي پرەمەرءى. ۇلتتىق كيىم كيگەن بيكەشتەر اس-سۋ تاسىپ، بيلەپ ءجۇر. قاراسام، ەلتسين اراقتى ۇلكەن ستاقانمەن ءىشىپ وتىر. شامامەن جارىت ساعاتتاي وتكەن سوڭ بيكەشتەر قايتا كىرىپ بيلەدى. كەنەت ەلتسين ورنىنان اتىپ تۇردى، – ەڭگەزەردەي، – ۇستەل ۇستىندەگى اعاش قاسىقتاردى الىپ قاسىندا وتىرعان پرەزيدەنتتەردىڭ باسىنان سوعا باستادى. بىرەۋىنىڭ، سوسىن ەكىنشىسىنىڭ باسىنان سوقتى. مىنا جاعىندا – كاريموۆ، مىنا جاعىندا – نازارباەۆ. ۇرعانىن ءوز كوزىممەن كوردىم، ءبارى كوردى. گايداردىڭ ءتۇرى ءالى ەسىمدە. قىسقاسى، زال سىلتىدەي تىندى. نازارباەۆ اتىپ تۇرىپ، ورىسشا بالاعاتتاپ جىبەردى. ول قىسقا بويلى، بىراق، مىعىم، جاس كەزىندە سپورتپەن كوپ شۇعىلدانعان. انانى سالىپ جىبەرۋگە ءسال قالدى. مەن ەلتسيندى ۇرماسىن دەپ قۇشاقتاي الدىم. مىنا جاقتان ءوز ادامدارىمەن كورجاكوۆ جۇگىرىپ كەلدى…”

P.S. مۇنداي مالىمەتتى ەستىگەندە قالاي ارقالانبايسىڭ. ەڭسەلى ەلتسيندى ەتپەتىنەن تۇسىرەر قاۋقارى بار ادام باكەنەدەي ۆولوديالاردى باسىندىرا قويمايدى دەپ ويلايمىز.

“شىن-اقپارات”