زۋقا باتىردىڭ كەنجەۇلى ساۋات قاجى ستامبۋلدا قالاسىندا 90 جاسىندا قايتىس بولدى
kerey.kz
ساۋىت قاجى زۋقا باتىر ۇلى 1928 جىلى التاي ايماعىنىڭ كوكتوعاي اۋدانىندا تۋعان. زۋقا باتىردىڭ كەنجە ۇلى. زۋقا باتىر 33 بالانىڭ اكەسى ەدى. ءتورت ايەلىنەن 12 ۇل جانە 8 قىزىنىڭ اتى بەلگىلى. ساۋىت قاجى اعاسى ءسۇلتانشارىپ باستاعان كوشپەن بىرگە ، تار جول-تايعاق كەشۋلەردى بىرگە باستان وتكىزىپ، تاكلاماكان ءشولىن كەسىپ ءوتىپ، گيمالاي اسىپ، تۇركياعا جەتكەن. قازاقستان تاۋەلسىزدىك العاننان كەيىن زۋقا باتىردىڭ قارا شاڭىراعى الماتى قالاسىا كوشىپ كەلدى. 
1994- جىلى ساۋىت قاجى تۇركيادان ارنايى التايعا كەلىپ، زۋقا باتىردىڭ باسىنا قورعانىن جاڭالاپ سالىپ، قۇران قاتىن ءتۇسىرىپ قايتتى.
جىل ءوتىپ الپىس-التى وزگەرىپتى،
وزگەرگەن جايلاردى كوز كورىپتى.
زۋقا باتىر بالاسى ساۋىت قاجى،
بۇيرىقشا 94-جىل كەز كەلىپتى.
…
ديدار عايىپ بۇل مىنە ارمان ەكەن،
ءبىزدىڭ ەل تۇركياعا بارعان ەكەن،
اكەسى ولگەن كەزدە ساۋىت قاجى،
بولەۋلى بەسىگىندە قالعان ەكەن.
…
دۇشپانعا قاتال مىنەز ول قاھارمان،
حالىقتىڭ ارداگەرى باتىر باباڭ.
ارنايى تۇركيادان جالعىز كەلىپ،
اكە قورعانىن ساۋىت قاجى جاڭالاعان.
قالماتاي، قۇداباي نۇعانۇلى ءسىلام،
داستاننىڭ سوڭىن وسلاي تامامداعان.
زۋقا باتىر داستانىنان ءۇزىندى.
ءسىلام نۇعانۇلى
زۋقا باتىر- 1866 جىلى قازىرگى شىعىس قازاقستان وبلىسىنىڭ زايسان اۋدانىندا دۇنيەگە كەلگەن. زۋقانىڭ اكەسى شىعىس وڭىرىنە اسا تانىمال بولعان ءسابيت داموللا. ارعى اتاسى نۇرمۇحاممەد ابىز. تەكتى اۋلەتتەن شىققان باتىر بابامىز، ورىس وتارشىلدىعى مەن گومينداڭ قىتاي ەزگىسىنە تاپ بولعان قازاق حالقىن ازات ەتۋ جولىندا قازا تابادى. بيىل باتىر بابامىزدىڭ تۋعانىنا 150 جىل تولدى.
الەمنىڭ وننان اسا ەلىندە، جيرما قالاسىندا اتالىپ ءوتىلدى. قر شەتەلدەگى ەلشىلىكتەرى، حالقارالىق ۇيىمدار، قر ءار قالاداعى اكىمشىلىتەرى مەن جەكە ازاماتتار دەمەۋشىلىك جاساپ ۇيىمداستىردى.
“زۋقا باتىر-150 جىل” ۇيىمداستىرۋ القاسى مەن Kerey.kz اقپاراتتىق پورتالى سəنياحان اپامىزعا جانە زۋقا باتىردىڭ ۇرپاقتارىنا قايعىلارىنا ورتاقتاسىپ، كوڭىل ايتادى. ساۋىت اتامىزدىڭ جانى جاناتتا بولسىن…
جانازا نامازى 27 قاراشا بەسىن نامازىندا ستامبۋل قالاسىندا گۇنەشلى كازاككەنت التاي مەشىتىندە وقىلادى .
Kerey.kz
پىكىر قالدىرۋ