قازاقستان حالقىنا جانە پرەزيدەنتىنە ۇلتتىق بانك توراعاسى د.اقىشەۆ، جوعارعى سوت كەڭەسىنىڭ توراعاسى ا.سمولين، باس پروكۋرور ج.اسانوۆ، «سىربار» سىرتقى بارلاۋ قىزمەتىنىڭ ديرەكتورى ع.بايجانوۆ، سونداي-اق پرەزيدەنت اكىمشىلىگىنىڭ باسشىلىق لاۋازىمداعى بىرقاتار تۇلعالارى، ۇكىمەت مۇشەلەرى، وبلىستاردىڭ جانە الماتى قالاسىنىڭ اكىمى سالتاناتتى تۇردە انت بەردى.

قازاقستان پرەزيدەنتى مەملەكەتتىك قىزمەتشىلەرگە قويىلاتىن تالاپ ارتا تۇسەتىنىن اتاپ ءوتتى.

– بيۋدجەت قاراجاتىن ءتيىمسىز پايدالانۋ جاعدايلارى ءجيى كەزدەسىپ جاتادى. مەملەكەتتىك قىزمەتشىلەر تاراپىنان بولاتىن قۇقىق بۇزۋ جايتتارى مەملەكەتتىك قىزمەتتىڭ عانا يميدجىنە ەمەس، جالپى مەملەكەتتىك باسقارۋ جۇيەسىنە تەرىس اسەرىن تيگىزەدى، – دەدى مەملەكەت باسشىسى.

سونداي-اق، نۇرسۇلتان نازارباەۆ جينالعان مەملەكەتتىك قىزمەتشىلەردىڭ بارىنە الداعى تسيفرلىق ءداۋىر تالابى جاڭاشىل شەشىمدەردى، ولاردى ءتيىمدى ىسكە اسىرا الاتىن جەتەكشىلەردى قاجەت ەتەتىنىن ايتتى.

قازاقستان پرەزيدەنتى ەل دامۋىنىڭ جاڭا كەزەڭىندە ماڭىزدى ورىن الاتىن وڭىرلىك كاسىپكەرلىكتى دامىتۋ ماسەلەسىنە توقتالدى.

– بۇل جۇمىستى اتقارۋ اكىمدەرگە جۇكتەلگەن. ولارعا ءتيىستى وكىلەتتىكتەر مەن مۇمكىندىكتەر بەرىلدى. ءبىز جۇرتتى بيزنەسپەن اينالىسۋعا ۇيرەتۋگە ءتيىسپىز، – دەدى ەلباسى.

مەملەكەت باسشىسى الەۋمەتتىك سالانىڭ ۇدايى نازاردا بولاتىنىن جەتكىزدى.

– ەكونوميكا مەن الەۋمەتتىك سالاداعى تۇبەگەيلى وزگەرىستەر ساياسي جاڭعىرۋمەن قاتار جۇرەدى. الداعى ۋاقىتتا بيلىك تارماقتارى اراسىنداعى وكىلەتتىكتەردى قايتا ءبولۋ پارلامەنتتىڭ، ۇكىمەتتىڭ جانە جەرگىلىكتى مەملەكەتتىك ورگانداردىڭ ءرولىن ارتتىراتىن بولادى. سوندىقتان كەشىكتىرمەي، مۇلدە جاڭاشا جۇمىس جۇرگىزە باستاۋ قاجەت، – دەدى نۇرسۇلتان نازارباەۆ.

سوڭىندا ەلباسى ەلدىڭ باسقارۋشى كورپۋسى الدىندا تۇرعان مىندەتتەردىڭ اۋقىمدىلىعى مەن كۇردەلىلىگىن، ول ساياسي مەملەكەتتىك قىزمەتشىلەردەن جوعارى جاۋاپكەرشىلىك تالاپ ەتەتىن اتاپ ءوتتى.

– سىزدەر حالىقتىڭ مۇددەسىنە ءمىنسىز قىزمەت ەتىپ، ءوز مىندەتتەرىڭىزدى ابىرويمەن اتقارادى دەپ سەنەمىن. ءبىز تاۋەلسىزدىگىمىزدى نىعايتۋ جولىندا جانە قازاقستاننىڭ جارقىن بولاشاعى ءۇشىن قولىمىزدان كەلگەننىڭ ءبارىن جاساۋعا ءتيىسپىز، – دەپ تۇيىندەدى قازاقستان پرەزيدەنتى.