پەكيندە جاڭا ازيالىق بانك كەلىسىمىنە قول قويىلىپ جاتىر
پەكيندە ازيا دامۋ بانكى مەن دۇنيەجۇزىلىك بانككە باسەكەلەسۋى ءتيىس جاڭا حالىقارالىق قارجى ۇيىمى – ازيا ينفراقۇرىلىم ينۆەستيتسيالارى بانكىن قۇرۋ تۋرالى كەلىسىمگە قول قويۋ ءراسىمى ءوتىپ جاتىر–دەپ حابارلايدى اززاتتىق راديوسى. كەلىسىمگە ازيا ينفراقۇرىلىم ينۆەستيتسيالارى بانكىنە باستاپقى كاپيتال ۇلەسىن انىقتايتىن 57 مەملەكەت وكىلدەرى قول قويۋى كەرەك. ۇلىبريتانيا، گەرمانيا، وڭتۇستىك كورەيامەن بىرگە قۇرىلتايشىلار قۇرامىنا كىرەتىن اۆستراليا قۇجاتقا العاش بوپ قول قويعانى حابارلانعان. جاپونيا مەن اقش بۇل بانك قۇرىلتايشىلىعىنا قاتىسپايدى. پەكيننىڭ «جۇمساق كۇش» ساياساتىنىڭ ىقپالى بار دەپ ساناعان ۆاشينگتون بانكتىڭ باسقارۋ ستاندارتتارىنا كۇمانمەن قارايتىنىن بىلدىرگەن. 2014 جىلى قازان ايىندا 21 قۇرىلتايشى مەملەكەتتىڭ شەشىمىمەن قۇرىلعان ازيا ينفراقۇرىلىم ينۆەستيتسيالارى بانكى ازياداعى ەنەرگەتيكا، كولىك جانە ينفراقۇرىلىم جوبالارىنا ينۆەستيتسيا سالۋى ءتيىس.2015 جىلدىڭ جارتىسىنان ءارى قاراي بانك جۇمىسى باستالادى دەپ ەسەپتەلگەن.
