«استانا ارلاندارى» «كۋبا دومادورەستان» باسىم ءتۇستى
استاناداعى «داۋلەت» سپورت كەشەنىندە دۇنيەجۇزىلىك بوكس سەرياسى (WSB) بويىنشا «استانا ارلاندارى» مەن «كۋبا دومادورەس» اراسىنداعى فينالدىق جەكپە-جەكتىڭ العاشقى كۇنى بۇگىن وتكەن بەس كەزدەسۋدىڭ قورىتىندىسىندا «استانا ارلاندارى» 3:2 ەسەبىمەن العا شىقتى. شارشى الاڭداعى العاشقى كەزدەسۋدىڭ شىمىلدىعىن 49 كەلى سالماقتاعى تەمىرتاس ءجۇسىپوۆ پەن يوانيس وسكار اشىپ، جەرلەسىمىز كۋبالىقتى بەت قاراتپاي ۇتتى. ءسويتىپ، اقتىق ايقاستىڭ العاشقى كەزدەسۋىن جەڭىسپەن باستاعان «ارلاندار» ءبىرىنشى كۇننىڭ جالپى قورىتىندىسىن ءوز پايداسىنا شەشە العان ەدى. تەمىرتاستىڭ جەڭىسىن كوماندا كاپيتانى سامات باشەنوۆ پەن جاس «ارلان» مەيىرىم نۇرسۇلتان دا قايتالاعان. الايدا 56 كەلى سالماق دارەجەسىندەگى قايرات ەراليەۆ اككى كۋبالىقتىڭ وسال تۇسىن تابا الماسا، تورەشىلەردىڭ شەشىمىمەن 91 كەلىدەگى قازاقستاندىق بوكسشى ۆاسيلي لەۆيت ەريسلاندي ساۆون كوتيللادان جەڭىلىپ قالدى. فينالدىق كەزدەسۋدىڭ جەكپە-جەكتەرى ەرتەڭ دە
