كۋريل ارالدارى جانە اياقتالماعان سوعىس
رەسەي ءۇشىن كۋريل ارالدارى – اسكەري ولجا، ال جاپونيا ءۇشىن – باتىستىڭ ارالاسۋى جانە سوۆەتتىك باسقىنشىلىق سالدارىنان ايىرىلىپ قالعان تەرريتوريا. ەكىنشى دۇنيەجۇزىلىك سوعىستا سوڭعى رەت قارۋ اتىلعالى بەرى 70 جىلدان استام ۋاقىت ءوتتى. بىراق ءتورت ارالدىڭ ماسەلەسى ءالى كۇنگە دەيىن بەيبىتشىلىك ءبىتىمىن جاساسپاعان رەسەي مەن جاپونيا اراسىنداعى جەر داۋىنا اينالعان. 1 Reuters فوتوگرافى كۋناشير ارالىندا تۇسىرگەن ءيتتىڭ سۋرەتى. بۇل رەسەي يەلەنىپ العان ءتورت ارالدىڭ ءبىرى، جاپونيا ونى سولتۇستىكتەگى ءوز تەرريتورياسى سانايدى. كۋناشير ارالى جاپونيانىڭ نەگىزگى تەرريتورياسىنان نەبارى 20 شاقىرىم قاشىقتىقتا ورنالاسقان. 2 كۋناشير ارالىندا كولىكتە ەرنىن بوياپ وتىرعان ورىس ايەلى. ارالدارعا قاتىستى داۋ رەسەي مەن جاپونيانىڭ ەكىنشى دۇنيەجۇزىلىك سوعىس اياقتالعانىن رەسمي بەكىتەتىن بەيبىت كەلىسىمگە ءالى كۇنگە دەيىن قول قويماعانىن بىلدىرەدى.
