گوللانديالىق فۋتبولشى قازاق كەرى قايتتى
شىمكەنتتىك «قىران» كلۋبىنىڭ ۇزدىك فۋتبولشىسى اتانعان مۇرات ءونال «قازاقستان ازاماتتىعىن الا الماي، ۇلتتىق قۇراماعا شاقىرىلماعان سوڭ گوللاندياعا قايتقانىن» ايتادى. گوللانديالىق قازاق مۇرات ءونال. نۇرتاي لاحانۇلى 28 جاستاعى گوللانديالىق قازاق مۇرات ءونال 2014-2015 جىلدارى قازاقستاننىڭ فۋتبولدان ءبىرىنشى ليگاسىندا شىمكەنتتىك «قىران» كومانداسىندا ويناپ، ۇزدىك ناتيجەمەن كوزگە تۇسكەن. ول العاشقى فۋتبول ماۋسىمىنداعى 26 ماتچىندا 14 گول سوقسا، ەكىنشى ماۋسىمدا 20 ماتچ وتكىزىپ جانە 14 گول اۆتورى اتانعان. جەرگىلىكتى سپورت باسىلىمدارىندا مۇرات تۋرالى «قازاقستان ازاماتتىعىن الىپ، ۇلتتىق قۇراماعا شاقىرىلۋى مۇمكىن» دەگەن حابار تاراي باستاعان. بىراق فۋتبولشى ءۇشىنشى ماۋسىمعا قالماي گوللاندياعا كەتىپ قالدى. قاڭتاردىڭ 12-ءسى كۇنى ازاتتىققا كوممەنتاري بەرگەن مۇرات: – قازاقستاندا ەكى جىل ءجۇردىم. بىراق ازاماتتىق الۋ مۇمكىن بولمادى. ال لەگيونەر رەتىندە ويناعىم كەلمەدى.
