Gollandiyalıq futbolşı qazaq keri qayttı
Şımkenttik «Qıran» klubınıñ üzdik futbolşısı atanğan Mwrat Önal «Qazaqstan azamattığın ala almay, wlttıq qwramağa şaqırılmağan soñ Gollandiyağa qaytqanın» aytadı. Gollandiyalıq qazaq Mwrat Önal. Nwrtay LAHANWLI 28 jastağı gollandiyalıq qazaq Mwrat Önal 2014-2015 jıldarı Qazaqstannıñ futboldan birinşi ligasında şımkenttik «Qıran» komandasında oynap, üzdik nätijemen közge tüsken. Ol alğaşqı futbol mausımındağı 26 matçında 14 gol soqsa, ekinşi mausımda 20 matç ötkizip jäne 14 gol avtorı atanğan. Jergilikti sport basılımdarında Mwrat turalı «Qazaqstan azamattığın alıp, wlttıq qwramağa şaqırıluı mümkin» degen habar taray bastağan. Biraq futbolşı üşinşi mausımğa qalmay Gollandiyağa ketip qaldı. Qañtardıñ 12-si küni Azattıqqa kommentariy bergen Mwrat: – Qazaqstanda eki jıl jürdim. Biraq azamattıq alu mümkin bolmadı. Al legioner retinde oynağım kelmedi.
