يرانداعى كورگە تۇنەيتىندەر ەلدى شوشىتتى
تەگەراننىڭ سىرتىنداعى بەيىتتە تۇرىپ جاتقان ادامدار. يراندا كۇندەلىكتى شىعاتىن Sharvand گازەتىندەگى سۋرەت. تەگەراننىڭ سىرتىنداعى زيراتتا قازۋلى قابىردە تۇرىپ جاتقان ءۇي-كۇيسىز جانداردىڭ سۋرەتتەرى قوعامدا نارازىلىق تۋدىرىپ، جۇرت بۇل شارۋاعا مەملەكەتتىڭ ارالاسۋىن تالاپ ەتتى. سۋرەتتەردەن شىنىمەن جان تۇرشىگەدى – باسپاناسىز ەرلەر، ايەلدەر مەن بالالار بارار جەر تاپپاعان سوڭ مولانى پانالاپ كەلگەن. 50 شاقتى يراندىق ازاماتتىڭ تەگەراننىڭ سىرتىنداعى زيراتتا تۇرىپ جاتقانىنا بىرنەشە جىل بولعان ءتارىزدى. قايىرشىلىقتىڭ شەگىنە جەتكەن جانداردىڭ قازۋلى كوردەگى [يراندا قابىردى الدىن-الا قازىپ قويادى] تىرلىگى جايلى قورقىنىشتى سۋرەتتەر قاتارداعى ازاماتتاردى دا، بيلىكتەگى لاۋازىم يەلەرىن دە شوشىتتى، جۇرت ۇكىمەتتىڭ شارا قابىلداۋىن تالاپ ەتتى. كۇندەلىكتى شىعاتىن شاحرۆاند (Shahrvand) گازەتىنىڭ ءبىرىنشى بەتىندە جەلتوقساننىڭ 27-ءسى كۇنى جاريالانعان ءۇيسىز-كۇيسىز جاندار تۋرالى ماقالادا تەگەراننىڭ سىرتىنداعى شاحريار كەنتىندە
