قازاقستان افريكادا مۇناي وندىرۋگە نيەتتى
باتىس باسىلىمدارى مالاۆيدە مۇنداي وندىرۋگە قازاقستاندىق ماماندار قاتىسۋى مۇمكىن ەكەنىن، ال مۇناي باعاسىنىڭ قۇلدىراۋى رەسەيدى السىرەتىپ، گەوساياساتقا اسەر ەتىپ جاتقانى جايلى جازادى. مۇناي كەنىشىندەگى بۇرعىلار. (كورنەكى سۋرەت.) افريكانىڭ AllAfrica.com جاڭالىقتار سايتى مالاۆي كولىنەن مۇناي وندىرۋگە 2014 جىلى سالىنعان تىيىم الىنىپ تاستالعانىن حابارلادى. بۇل تۋرالى مالاۆي استاناسى ليلونگۆا قالاسىندا وتكەن ءباسپاسوز جيىنىندا ەلدىڭ سىرتقى ىستەر ءمينيسترى دجوردج چاپوندا مالىمدەگەن. ونىڭ ايتۋىنشا، مالاۆي كولىنەن مۇناي مەن گاز ءوندىرۋدى قايتا باستاۋعا قازاقستان مەن گرۋزيا ماماندارى قاتىسپاق. سايتتىڭ جازۋىنشا، دجوردج چاپوندا قازاقستان سىرتقى ىستەر ءمينيسترى ورىنباسارى ەرجان اشىقباەۆ، گرۋزيا سىرتقى ىستەر ۆيتسە-ءمينيسترى داۆيد دجالاگانيا جانە ماروككو سىرتقى ىستەر ءمينيسترى ورىنباسارى زالا حەددين مەزۋارمەن كەزدەسكەن. افريكا وداعىنا مۇشە ەلدەردىڭ ەفيوپياداعى 26-ءسامميتى كەزىندە وتكەن كەزدەسۋدەن كەيىن دجوردج چاپوندا
