مۇقانوۆ ءسابيت مۇقانۇلى
مۇقانوۆ ءسابيت مۇقانۇلى (1900-1973) – قازاق ادەبيەتىنىڭ نەگىزىن قالاۋشىلاردىڭ ءبىرى، قوعام قايراتكەرى، قازاقستاننىڭ حالىق جازۋشىسى، قازاقستان عىلىم اكادەمياسىنىڭ اكادەميگى.قازىرگى سولتۇستىك قازاقستان وبلىسى جامبىل اۋدانى ءسابيت مۇقانوۆ اتىنداعى اۋىلدا تۋعان. ومبىداعى وقىتۋشىلار كۋرسىن، ورىنبورداعى جۇمىسشىلار فاكۋلتەتىن، ماسكەۋدەگى قىزىل پروفەسسورلار ينستيتۋتىنىڭ ادەبيەت ءبولىمىن بىتىرگەن. اۋىل مولداسىنان وقىپ، حات تانىعان. جاسىنان ەل اۋزىنداعى جىر-تولعاۋلاردى، قيسسا-داستانداردى جاتتاپ، ماقامداپ ايتىپ ۇيرەنگەن. 14-15 جاسىنان ولەڭ-جىردى اۋىزشا دا، جازىپ تا شىعارا باستايدى. 1918-1919 جىلدارى ومبىداعى وقىتۋشىلار كۋرسىندا ءبىلىم الا ءجۇرىپ ماعجان جۇماباەۆ حاتشىلىق ەتكەن. وقۋدى بىتىرگەننەن كەيىن ءبىراز ۋاقىت مۇعالىم بولدى. 1921 جىلى اقمولا گۋبەرنياسى مەملەكەتتىك ساياسي باسقارماسىنىڭ توتەنشە اسكەري ءبولىمنىڭ جاۋىنگەرى بولدى. 1921-1922 جىلدارى ءار ءتۇرلى قىزمەتتەر اتقارىپ، ەل اراسىندا استىق جيناۋ جۇمىسىن جۇرگىزگەن. 1922-1926 جىلدارى
