«نيۋ-يورككە كەلگەلى ماقساتىما ءبىر تابان جاقىنداعانىمدى سەزەمىن»
نۇرتاي لاحانۇلى نيۋ-يوركتە تۇراتىن قازاق جولداس ورىسباەۆ. اقش-تاعى باسىلىمداردىڭ بىرىندە تاجىريبەدەن ءوتىپ جۇرگەن قازاق جىگىتى ول ەلدەگى جۋرناليستيكا تۋرالى، نيۋ-يوركتەگى وتانداستارى جايلى ايتتى. ۋنيۆەرسيتەتتى الماتىدا بىتىرگەن 25 جاستاعى جولداس ورىسباەۆ اقش-قا ءبىلىم باعدارلاماسىمەن بارعان. قازىر نيۋ-يورك قالاسىنداعى جەرگىلىكتى باسىلىمدا تəجىريبەدەن ءوتىپ جۇرگەن ول سول ەلدە كورگەن-تۇيگەنىن اڭگىمەلەدى. ازاتتىق: – اقش-قا قالاي جانە قاشان باردىڭىز؟ جولداس ورىسباەۆ: – اقش-قا وسىدان ءۇش جىل بۇرىن Work and travel باعدارلاماسى بويىنشا كەلگەن ەدىم. ول كەزدە جازدىق دەمالىسىمدى وسىندا وتكىزىپ قايتقانمىن. سودان كەيىن «وسى جاققا جولىم تۇسسە ەكەن، تاجىريبە ارتتىرىپ، كاسىبي دەڭگەيدە ءبىلىم السام ەكەن» دەپ ءبىراز ىزدەندىم. سوسىن ۋنيۆەرسيتەتتىڭ سوڭعى كۋرسىندا وقىپ جۇرگەن شاعىمدا ينتەرنەت ارقىلى كوپتەگەن باعدارلامالاردى ىزدەي باستادىم. كوممەرتسيالىق ەمەس ۇيىمنىڭ ۇيىمداستىرۋىمەن اقش-تا وتەتىن
