Лимон, сарымсақ, бал, зімбір, куркума: Коронавирустан қорғанудың жолдары
kerey.kz
Қазіргі қаржылық қиындық кезінде бизнесті дағдарыстан қалай шығаруға болады? Коронавирустан қандай тағамдар қорғайды?
Қаржы сарапшылары әлемде жаһандық экономикалық дағдарыстың басталуы туралы мәлімдеді. Коронавирус пандемиясы мен долларға шаққандағы ТМД елдері ұлттық валютасының құнсыздануы жағдайды қиындата түсті. Дағдарыстан шығудың қандай жолдары барын, қалай көмектесуге болатынын QNET компаниясының Ресей мен ТМД елдерінде маркетинг жөніндегі жетекшісі Ирина Полякова kerey.kz ақпараттық сайтының тілшісімен арнайы сұхбат барысында жауап береді.
– Сарапшылардың болжамы бойынша, жұмыссыздық деңгейі артып, инфляция басталады. Жұмыстан шығып қалу қаупі туындаған қызметкер не істеуі керек?
– Ең алдымен, «дағдарыс — жаңа мүмкіндіктердің кезеңі» екенін естен шығармау қажет. Егер расында да қызметкер жұмыстан қысқарылатын болса, онда бұл ол үшін өз әлеуетін жетілдіруге немесе өзін басқа бір салада жаңа қырынан көрсетуге түрткі болуы мүмкін, – кез келген жағдайда компанияны ауыстыру мүмкіндігі өзін-өзі дамытуға ықпал етеді. Егер жұмысынан қысқармаса, Джоан Роулинг жазушы, Томас Эдисон өнертапқыш, Уолт Дисней өзінің мультипликациялық студиясының иесі болар ма еді? Жинаған қаражатыңыз болса, онда оларды құнсыздануға тұрақты түрге, яғни жылжымайтын мүлікке, алтынға конверсиялаған дұрыс. Біздің Тәуелсіз Өкілдеріміз компаниялардың алтыннан жасалған зергерлік бұйымдары мен гауһар тастарын сатып алып жатыр және бұның сәтті инвестиция екенін біледі. Кәсіпкерлерге қызметкерлерді жұмыстан қысқартпауға, керісінше, сату жөнінен менеджерлер бөлімін күшейтуге кеңес беремін, бұл бәсекелестермен салыстырғанда, көптеген артықшылықтарын береді.
– Кәсіпкерлерге сіз тағы қандай кеңес бере аласыз?
– Карантинге байланысты әлемнің әртүрлі елдерінде адамдар үйлерінен шықпай, қашықтықтан жұмыс істеуді бастады. Осы себептен ғаламтор желісіндегі сауда, тауарларды жеткізу қызметінің қарқыны өсіп, өркендеп келе жатыр. Кәсіпкерлерге өз ісін онлайн-алаңға бағыттауын ұсынамын: сайтты жаңарту, парақшада сатып алу опциясын ойластыру. QNET компаниясында мұндай мәселелер туындаған жоқ, себебі ол бастапқыда-ақ электронды сауда компаниясы болып құрылған еді және клиенттер тек біздің сайтта сауда жасайды.
– Ирина, бірінші кезекте коронавирус пандемиясы өршіген кезде кәсіпкер не істеуі керек?
– Басқа мамандық өкілдері істеген әрекеттерді істейді. Ең алдымен, денсаулық – бұл кез келген адамның басты ресурсы, ақшадан да маңызды екенін естен шығармау керек, сондықтан бірінші кезекте өзіңіздің және жақындарыңыздың, әсіресе қарт адамдарыңыздың көңіл күйіне назар аударыңыз. Өзіңізді оқшаулап, үйден жұмыс істеңіз, командаңызды карантиннің қашықтық тәртібіне ауыстырыңыз; қолыңызды жиі жуып, дезинфекциялаңыз, иммунитетті нығайту үшін дәрумендер, биологиялық белсенді қоспаларды қолданыңыз, лимон, сарымсақ, бал, зімбір, куркума сияқты пайдалы өнімдерді жеңіз. QNET компаниясының Тәуелсіз Өкілдері осы кезеңде денсаулыққа арналған тауарларды өте жиі қолданады.
– Дегенмен, вирус әсіресе егде жастағы адамдар мен ауыр созылмалы аурумен ауыратын науқастар үшін аса қауіпті, ал қалғандары үшін бұл жай тыныс алу ағзаларының асқынған вирустық ауру болып табылады, сонда да көбісі үрейленеді. Осындай күрделі жағдайда өзіңді жұмыс істеуге қалай икемдеу керек?
– Өзіңіздің назарыңызды БАҚ үнемі жариялап отыратын коронавирус мәселесіне шоғырландырмаңыз. Бізге күн сайын әлемдегі және еліміздегі ауруға шалдыққандар саны туралы хабарлап жатыр, осылайша үрейімізді арттыруда. Санаңызды тыныштандырып, үрейге бой алдырмауға тыныс алу жаттығулары, массаж, ыстық ванна, денені шынықтыру көмектеседі. Үрейге бой алдырмау үшін карантин кезінде үйде қашықтықтан жұмыс істеуге немесе қашықтықтан оқуға бар жан-тәніңізбен беріліп кірісуге кеңес беремін. Ғаламторда көптеген онлайн-курстар бар. QNET компаниясының өзінің білім беруге арналған өнімі жаңадан бастаған кәсіпкерлер үшін бес тілдегі qLearn платформасы бар, мұнда профессорлар киберқауіпсіздік, іскери дағдыларды дамыту, көшбасшылық, тәуекелдерді басқару туралы айтады. Егер сіз дистрибьютор болсаңыз, таныстырылымды онлайн түрде өткізіңіз. Жұмысқа бар жан-тәніңізбен берілген кезде, жан-жақта болып жатқан дүрбелеңге көңіл де бұрмайсыз. Бұдан басқа, айналаңызда үрейге бой алдыратын адамдардан аулақ болыңыз, олардың көңіл күйі сізге де беріледі, сізге қолдау көрсететіндермен телефон немесе әлеуметтік желі арқылы сөйлесіңіз. Өзіңізбен бірге оқшауланған жақындарыңызды жиі құшақтап тұрыңыз, өзіңізді керемет сезінетін боласыз. Егер сөйлесетін ешкіміңіз болмаса, ал сіз өзіңіз үшін маңызды нәрселер туралы сөйлескіңіз келсе, психолог маманмен скайп арқылы байланыс жасаңыз. Мүмкін сізде қызықты жаңа бизнес-идеялар туындайтын шығар және мұндай жағдайда дағдарыс шынымен де сіз үшін жаңа мүмкіндіктер кезеңі болатын шығар.
Сұхбатыңызға рақмет!
Пікір қалдыру