Заман талабына сай бiлiм ордасы
kerey.kz
Мұғалiм – жауапкершiлiгi жоғары мәртебелi мамандықтардың бiрi. Олай деуге негiз: ол бала бағбаны, бiлiм мен тәрбие берушi, яғни ата-анасынан кейiнгi үлкен өмiрге бағыт-бағдар көрсетiп, олардың қалыптасып жетiлуi жолындағы күрескер десек болады. Демек, ұстаз ұлағатты, бiлiктi де бiлiмдар, мәдениеттi де парасатты, жан-жақты заман талабына сай болуы керек. Ендеше осы жауапты мiндеттi мойнына артқан, тәрбие берудiң қыр-сырын игерiп, тынбай iздену арқылы биiктiктердi бағындырып келе жатқан “Жаңа Ғасыр” №175 гимназия директоры Мәнекеева Гауһар Бозжiгiтқызы Алматы қаласы Бiлiм басқармасының “Жаңа Ғасыр” №175 гимназия Коммуналдық Мемлекеттiк Мекемесiнiң 2015 жылдың 9 айына арналған кiрiс және шығыс есебi бойынша мектеп ата-аналарына жиналыс өткiздi.
Алматы қаласының әкiмi Бауыржан Байбектiң тапсырмасы бойынша мектеп қабырғасында ақша жинауға жол бермеу мақсатымен ұйымдастырылып , ата-аналарға бұл iс-шараның өткiзiлу себебi түсiндiрiлдi. Өз есебiнде мектеп басшысы Гауһар Бозжiгiтқызы 9 ай көлемiндегi мемлекеттен бөлiнген қаражаттың толықтай есебiн егжей-тегжейлi берiп өттi. Мектептiң коммуналдық төлемдерi уақытылы төленiп, ағымдағы жөндеу жұмыстары ұдайы жасалынатынын айтты. Тұрмыстық тауарлар, құрал-жабдықтар мен ғимаратқа қызмет көрсету, қауiпсiздiк жүйесiнiң кешендi қызметiне байланысты қаржы есебi де берiлдi. Қызметкерлердi мiндеттi медициналық тексеруден өткiзу қызметiне жұмсалған қаржы жайлы да хабардар еттi.
Бала тәрбиесi – бәрiнен де маңызды. Ал сол берiлетiн тәрбиенiң ұлттық мүддеге сай жүйеленуi әрбiр бiлiм беру мекемелерiнде жүзеге асырылуға тиiс шара. Осы негiзде Алматы қаласындағы “Жаңа Ғасыр”№175 гимназияда атқарылып жатқан жұмыстар аз емес. Мектеп басшысы ең алдымен гимназия тарихы жөнiнде айта келiп, осы күнге дейiнгi жеткен жетiстiктерiмен бөлiстi.
Аты айтып тұрғанындай, “Жаңа Ғасыр” гимназияның басты мақсаты – жаңа заманға лайықты оқушыларды дайындап шығару. Бұл тұрғыдан мектеп басшылығының ұйымдастыруымен нағыз бiлiктi, бiлiмдi ұстаздар iрiктелiп алынған. Сонымен қатар оқушылардың талап-тiлегiне, қызығушылығына қарай бейiн бойынша қолданбалы курстарды жоғарғы оқу орындарының ғалымдары өздерiнiң талғамымен келiп, оқушылармен ғылыми жобада жұмыс жасайтынын айтты.
Гимназияда әлеуметтiк жағдайы төмен отбасыларға жасалатын қамқорлық мәселесi де қамтылған. Осыған қатысты мекеме басшысы Гауһар Бозжiгiтқызы: “1-4 сынып оқушыларын тегiн ыстық тамақпен қамтамасыз ету мақсатында, Жалпыға мiндеттi орта бiлiм қорынан қаражатты қолдану, жағдайы төмен отбасынан шыққан оқушыларды ыстық тамақпен қамту және оларға материалдық көмек көрсету негiзiнде ата-аналардың өтiнiшi бойынша 127 балаға материалдық көмек ретiнде мектеп формасы берiлдi және күнделiктi ыстық тамақпен қамтамасыз етiлiп отыратындығы айтылды.
Мектептегi сынып бөлмелерi заман талабына сай жабдықталып, оқушылардың сапалы бiлiм алуына толықтай жағдай жасалып отырғандығы гимназия басшысы Гауһар Бозжiгiтқызының тiкелей ұйымдастыруымен атқарылып жатқандығы ата-аналардың ризашылықтарынан көрiнiп тұрды.
Балаларының осындай мақтауға лайық бiлiм беру мекемесiнде оқып, тәрбиеленiп жатқанына риза және айтар алғысы шексiз екендiгi жиын соңындағы ата-аналардың сөзiнен көрiнiс тапты.
№175 гимназия 2-сыныбының ата-аналары,
Алматы қаласы.
zhasalash.kz
Пікір қалдыру