Қытай “бір бала саясатын” тоқтатты

| Oct 29, 2015

Көрнекі сурет

Қытайдың коммунистік партиясы бейсенбі күні “бір отбасыға – бір бала” саясатын тоқтату туралы шешім шығарды. Бұдан былай әр қытай отбасы екі бала өсіре алады.

“Синьхуа” агенттігі таратқан хабарға сәйкес, ондаған жылға созылған Қытайдағы “бір бала саясаты” жойылмақшы. Қытайдың коммунистік партиясы елдегі барлық ерлі-зайыптыға ендігәрі екі баладан өсіруге рұқсат берді.

Бұған дейін 2013 жылы Қытай үкіметі “бір бала саясатын” оңайлатып, миллиондаған отбасыға арнайы шартпен екі бала өсіруге мүмкіндік жасаған. 1979 жылы қабылданған “бір бала саясатын” қолдану арқылы Қытай билігі халық санының тез өсуін баяулатпақшы болған. Бірақ бұл саясаттың соңы ел тұрғындарының ішінде қарт адамдардың үлес салмағының артуына соқтырған.

Рафсанжани: 1980-жылдары үрей қаруы жайлы ойландық

Иранның экс-президенті Әкбар Хашеми Рафсанжани.

Иран 1980-жылдары Иракпен соғысқан кезде ядролық үрей тудыратын қару жасауды қарастырған. Бұл туралы елдің бұрынғы президенті Әкбар Хашеми Рафсанжанидің сөзіне сілтеп баспасөз құралдары хабарлады.

Иранның Nuclear Hope журналына сұхбатында Рафсанжани ел билігі ядролық бағдарламаның бас кезінде ядролық үрей құралын жасауды қарастырғаны жайлы айтқан. Оның сөзінше, бұл идея іске аспаған.

«Біз енді бастаған кезде соғыс жағдайында едік және жау ядролық қару қолдана қалған күнге дайын болғымыз келген. Біз сол кезде осылай ойладық, бірақ ол ниет іске асқан жоқ» деген Рафсанжани Иранның IRNA мемлекеттік агенттігіне қазанның 27-сі күні берген сұхбатында.

Қазіргі кезде Иран әлемдік державалармен биыл шілдеде қол қойған келісімді жүзеге асыруға кірісті. Бұл келісімнің мақсаты – Тегеран ядролық бағдарламасы арқылы жойқын қаруға ие болғысы келеді деген Батыстың қаупін сейілтуді көздейді. Бірталай уақытқа созылған келіссөздер барысында Иран өзінің ядролық бағдарламасы тек қана бейбіт мақсатқа арналғаны жайлы айтып келген.

«Біздің доктринамыздың негізі әрдайым бейбіт мақсаттарды ғана көздейтін, бірақ қауіп төнуі мүмкін деген ой басқа жолды таңдауға дайын болуды жадымыздан шығармады» деген Рафсанжани.

1980 жылдан 1988 жылға дейін Иран парламентінің спикері болған Әкбар Хашеми Рафсанжани 1989 жылдан 1997 жылға дейін Иран президенті қызметін атқарған.

Азаттық радиосы

Зеленский Уиткофф және Кушнермен “мазмұнды әңгіме” болғанын айтты

kerey.kz

Владимир Зеленский Украина президенті Владимир Зеленский АҚШ президентінің арнайы уәкілі Стив Уиткофф және Трамптың күйеубаласы Джаред Кушнермен телефонмен “мәнді әрі конструктивті” әңгімелескенін хабарлады. Уиткофф пен Кушнер 2 желтоқсанда Мәскеуде Ресей президенті Владимир Путинмен кездескен. “Біз көптеген аспектіге назар аудардық және қантөгісті тоқтатып, Ресейдің үшінші рет басып кіру қаупін жоюға кепілдік беретін маңызды жайттарды, сонымен бірге Ресейдің өткен жолғыдай уәдесін орындамау қаупі сияқты нәрселерді талқыладық” деді Зеленский. Әңгімеге сонымен бірге қазір АҚШ-та жүрген Украина ұлттық қауіпсіздік және қорғаныс кеңесінің хатшысы Рустем Умеров, қарулы штабтың бастығы Андрей Гнатов қатысқан. Axios дерегінше, әңгіме екі сағатқа созылған. Келіссөздерден хабары бар дереккөздің айтуынша, Уиткофф пен Кушнер екі жақтың да талаптарын жинап жатыр және Путинді де, Зеленскийді де
Зеленскийдің “жалғыз сенері әрі оң қолы”. Андрей Ермак кім?

kerey.kz

Рэй ФЕРЛОНГ Андрей Ермак (сол жақта) пен Украина президенті Владимир Зеленский (оң жақта). 2019 жыл. Андрей Ермак ұшақтан түсе сала өзінің бастығын құшақтады. 2019 жылы қыркүйекте президент Зеленскиймен жылы жүздесу жаңадан басталып келе жатқан саяси серіктестіктің басы еді. Бұл – Ермактың Ресей түрмесінде отырған 35 украиналықты Мәскеуден алып келген сәті. Ал 2020 жылы Ермак Зеленский әкімшілігінің басшысы болды. Бірақ Украинадағы жемқорлық шуынан кейін оның қызметіне жұрттың назары ауды. Себебі Ермак Украина энергетикалық инфрақұрылымына бөлінген қаржы жымқырылған коррупция схемасында негізгі рөлде болған деген ақпарат тараған. Бірақ тергеушілер бұл жайттың жай-жапсарын толық ашқан жоқ. Ермактың өзі Азаттықтың Украина қызметінің ресми сауалдарына жауап берген жоқ. Сонымен Зеленскийдің кеңсесін басқарып отырған Ермак кім? ТЕЛЕВИДЕНИЕДЕН
Тоқаев Нью-Йоркте Зеленскиймен кездесті

kerey.kz

Қазақстан президенті Қасым-Жомарт Тоқаев Нью-Йоркте Украина президенті Владимир Зеленскиймен кездесті. 22 қыркүйек 2025 жыл. Тоқаев пен Зеленский. Сурет: Ақорда 21 қыркүйек күні Қазақстан президенті БҰҰ Бас ассамблеясына барған сапарында Нью-Йоркте Украина президенті Владимир Зеленскиймен кездесті. Ақорда баспасөз қызметінің хабарлауынша, президенттер екіжақты экономикалық және гуманитарлық ынтымақтастық мәселелерін талқылаған. Сондай-ақ, Зеленский “Украинадағы жағдайға байланысты көзқарасын” білдірген, ал Қазақстан басшысы “қақтығысты тоқтату мақсатында дипломатиялық жұмыстарды жалғастыру қажет” деген. Зеленский осы кездесу туралы мәлімдемесінде Украина, АҚШ, Еуропа және өзге елдердің соғысты тоқтату жөніндегі талпынысын талқылағанын айтты. Оның сөзінше, қос басшы сондай-ақ екіжақты сауда-экономикалық әріптестікті, қазақстандық компаниялардың Украинаны қалпына келтіру ісіне қатысуға деген қызығушылығын сөз еткен. 2022 жылғы ақпанда Украинаға басып кірген Ресей Қазақстанның ең
“Ақ қасқырлар”. Өзбекстан футболы жетістігінің сыры неде?

kerey.kz

Руслан МЕДЕЛБЕК Өзбек ойыншысы Абдукодир Хусанов (2) пен БАӘ ойыншысы Луанзиньо (21) әлем кубогына іріктеу ойынында. 5 маусым, 2025 жыл. Футболдан 2026 жылғы әлем чемпионатына Өзбекстан құрамасының жолдама алғанына жастар футболының қандай қатысы бар? Өзбекстан футболы жетістігінің себебіне үңілдік. “ӘЛЕМДІК АРЕНАҒА ҚОШ КЕЛДІҢІЗДЕР” Өзбекстан Азия құрлығында Иран, Катар, БАӘ, Қырғызстан, Солтүстік Корея бар топтан екінші орын алып, 2026 жылғы әлем кубогына лицензия иеленді. Өзбек футболшылары тоғыз ойынның бесеуінде жеңіп, үшеуінде тең түсіп, бір ойында жеңілген. Осы нәтиже ұлттық команданың әлем чемпионатына шығуына жеткілікті болды. Бұл топтан Өзбекстаннан бөлек Иран да әлем чемпионатына қатысады. Өзбекстан әлем чемпионатына шығуға бірнеше рет өте жақын болған еді. Мәселен, 2014 жылғы әлем біріншілігінің іріктеуінде Иран,
Миллиардер Билл Гейтс бар байлығын Африка елдеріне аудармақ

kerey.kz

Microsoft компаниясының негізін қалаушы және әлемдегі ең бай адамдардың бірі саналатын Билл Гейтс өзінің байлығын қайда жұмсайтынын ресми мәлімдеді. Кәсіпкер Африка елдеріндегі денсаулық сақтау, білім беру және кедейлікпен күрес салаларына шамамен 200 миллиард доллар инвестиция салуды жоспарлап отыр. «Жуырда мен өз байлығымды 20 жылдың ішінде толықтай тарату жөнінде шешім қабылдадым. Қаражаттың басым бөлігі осы жерде, Африкада, түрлі мәселелерді шешуге көмектесуге бағытталады», – деді Билл Гейтс өзінің қорымен бірлескен баспасөз мәслихатында. Басты басымдықтар: – инфекциялық аурулармен күрес (соның ішінде безгек, туберкулез, ВИЧ); – ана мен бала денсаулығын жақсарту; – ауылдық аудандардағы білім беру сапасын арттыру; – таза ауызсу мен санитария инфрақұрылымын дамыту; Билл Гейтс: «Бұл – қайырымдылық емес, бұл – инвестиция.