31 тур аясында «Барселона» өз алаңында «Реалды» қабылдады. «Аламан» назарларыңызға осы матчқа қатысты қызықты деректер ұсынады.

«Барселона»-«Реал» 1:2

Гол: Пике, 56 (1:0). Бензема, 62 (1:1). Криштиану Роналду, 85 (1:2).

«Барселона»: Браво, Дани Алвес, Маскерано, Пике, Жорди Альба, Иньеста, Серхио Бускетс, Ракитич (Арда Туран, 74), Месси, Суарес, Неймар.

«Реал» (Мадрид): Навас, Карвахаль, Серхио Рамос, Пепе, Марселу, Каземиру, Модрич, Кроос, Бэйл (Лукас, 90+1), Бензема (Хесе, 78), Криштиану Роналду.

Ескерту: Серхио Рамос, 10. Карвахаль, 18. Суарес, 27. Маскерано, 29. Ракитич, 58.

Алаңнан қуылды: Серхио Рамос, 83.

• Бұл — «Ноу Кампта» өткен 86-«Эл-Классико». «Барселона» өз алаңында «Реалдан» 20 рет жеңіліп отыр. Ал 49 матчта жеңіп, 17 ойында тең түскен.
• «Реал» «Ноу Кампта» соңғы рет 2012 жылы жеңіс жеткен. Ол матч та 2:1 есебімен аяқталған.
• «Барселона» 2007/2008 жылғы маусымнан бері «Реал» қақпасына кем дегене бір гол салған.
• «Реал» «Барселонаның» 39 матчта жеңілмей келе жатқан сериясына үзді.
• Роналду биыл 2016 жылы 18 ойын өткізіп, 18 гол салды.
• Зидан «Реал» тарихындағы дебютті «Эл Классикода» жеңіске жеткен екінші бапкер. Осыған дейін 2007 жылы Шустер де осындай жетістікке қол жеткізген.
• Бэйл, Бензема, Роналду үштігі алған рет ЭК бірге жеңді.
• MSN үштігі матчта жеті, ВВС үштігі 13 соққы жасады.
• Зидан «Ноу Кампта» ойыншы әрі бапкер ретінде жеңіске жеткен үшінші адам. Осыған дейін мұндай жетістікке Ди Стефано мен Дель Боске қол жеткізген.
• ЭК қазіргі есеп 93-91, «Реалдың» пайдасында.
• Бүгінгі матчты 99 мыңнан астам адам тамашалаған. Бұл-маусымдық рекорд.
• Примерада 76 ұпаймен «Барселона» көш бастап келеді. «Реал» 69 ұпаймен үшінші орында тұр. «Атлетико» 70 ұпаймен екі клубтың ортасында.

Руслан Меделбек
alaman.kz