ҚАЗАҚСТАННЫҢ ОЛИМПИАДАЛЫҚ ПОНТЫ ЖАРЫЛДЫ!

| Oct 31, 2016

Масқара!!! Халықаралық Олимпиадалық комитет Лозанна қаласында өткен тәртіптік мәселелер бойынша отырысында жарыс кезінде допинг қолданғаны үшін Қазақстанның ауыр атлетикадан құрма командасының бес бірдей мүшесін Олимпиада жеңімпазы атақтарынан айырды. Олимпиада ойындарының жеңімпазы болған Илья Ильиннің (2008 жыл – алтын, 2012 жылы – алтын), Зульфия Чиншанло (2012 жылы – алтын), Майя Манеза (2012 жылы – алтын) және Светлана Подобедова (2012 жылы – алтын) медальдары қайтарылып алынатын болды!
Енді тексеру қорытындылары бойынша осы айыппен Мария Грабовецкая – қола, Ирина Некрасова – күміс медальдарынан айырылуы ықтимал.

Команданың осындай жағымсыз жағдайға ұшырауы бұл спортшылардың жекелеген қателіктерінен емес, басшылық тарапынан алдын ала әдейі ұйымдастырылған әрекеттен туындағаны байқалады. Спорт төңірегінен нан тауып жүргендердің айтуынша елімізді допинг-дауға ұрындырған ауыр атлетикадан Қазақстан құрама командасының бас жаттықтырушысы Алексей Ни көрінеді. Бас жаттықтырушыны да, оның Ақордадағы желеп-жебеушілерін де жарға итермелеген қазақстандық ПОНТ сияқты.

Қалайда Елбасы алдында жақсы аттанушылық, кесерткедей күмпиюшілік, болмағанды болдыртуға тырысушылық Қазақстанды бүкіл әлем алдында осындай ұятты жағдайға ұрындырды.

«Әр нәрседе бір қайыр бар» деген. Билік басындағылар бұдан тез арада лайықты қорытынды шығарулары қажет деп есептеймін.

1. Ең алдымен ұлттық құрамалар басшылығына қазақтар қойылсын! Енді Ни сияқтылардан пайда жоқ.

2. Шетелдерден легионер тарту тоқтатылсын! Өз спортшыларымыз допингсіз-ақ, ақша сұрамастан ұлт намысы үшін жарыс алаңына шыға алады.

3. Ұлттық құрамаларға өз ұлтымыздың өкілдері көптеп тартылсын!

4. ХОК-ке тестілік сараптама нәтижелері Олимпиада ойындары өткен соң бірнеше жылдан кейін емес тура жарыс алдында жарты сағат бұрын хабарлануы туралы ұсыныс жасалынсын! Бұл допинг қолданғандарды жарысқа қатысу мүмкіндігін айырады.

Марат Токашбаевтың facebook парақшасынан алынды

Қазақ тілінің болашағы енді демографияға тіреліп тұрған жоқ.

kerey.kz

Zhalgas Yertay Қазақ тілінің болашағы енді демографияға тіреліп тұрған жоқ. Ол халықтың ішкі күші мен биліктің саяси еркіне қарайлап тұр Ертеректен бастайық. Баяғыда қазақтың басты проблемасы санында еді, ол рас. Қазақтар өз жерінде азшылыққа айналған-ды. Ал қалада қазақша есту қиын болатын. Мектептерде, университеттерде, мемлекеттік басқаруда, бизнесте қазақ тілі шеттетілді. Сол кезде қазақ тілінің тағдыры демографияға тәуелді еді. Бұл логика ұзақ уақыт дұрыс саналған. Бірақ бүгінгі Қазақстанға қарасақ, жағдай өзгерді. Қазақтар көпшілікке айналды. Қазақ тілін түсінетіндер мен сөйлейтіндер саны бұрын-соңды болмаған деңгейге жетті. Қазақ мектебіне баратын балалардың саны жыл сайын артып келеді. Қазақ тілі күнделікті өмірдің негізгі тіліне айналды. Бірақ неге тіл мәселесі әлі өзекті болып тұр? Мәселе санға емес, санаға
Қазақ этногенезінің дағдарысы һам жаңа концепция

kerey.kz

Арма ағайын! Шағын сараптама Бірінші, қазақ этногенезінің дағдарысы келе жатыр. Дағдарысқа қарсы қазақ этногенезінің жаңа концепциясының жасалмауы алаңдатады. Біз қазір 18 ғасырлардағы қазақ хан-сұлтандары қабылдаған этногенездік концепциясымен әлі өмір сүріп келе жатырмыз. Одан кейінгі үш ғасырда колонизациялық кіріптарлық этногенездік жаңа концепцияны қабылдауға һәм трансформациялауға мұрсат бермеді. Қолданыстағы қазақ шежіресін ашып қараңыз, рулар шежіресінің концепциясы 18 ғасырларда қабылданған мизамға сәйкес келеді. Тіпті шежіредегі аталық рулар сол ғасырдағы қандайда бір тарихи тұлғадан (батырдан) бастау алады немесе шежіредегі аты аталатын рулар 18- ғасырға барып тоқтайды, ары қарай үзік-үзік. Бұл 18- ғасырдағы жаугершілік заманның талабына сай сұрыпталған қазақ этногенезінің көрінісі еді. Яғни қазақ шежіресінің концепциясы қазақ этногенезінің моделін қалыптады. Екінші, саяси және мәдени шешімдердің
Саяси қуғын-сүргінге ұшыраған арғы беттің көрнекі тұлғалары мен зиялы қауым өкілдері

kerey.kz

Арма әлеумет! 31 мамыр саяси қуғын-сүргін және ашаршылық құрбандарын еске алу күні. Осыған байланысты іргелес елдерде соның ішінде Шығыс Түркістан өңірінде өмір сүріп жатқан Шыңжаң қазақтарының саяси, әлеуметтік һәм мәдени тарихын танып біліп жүргеніміз артық болмас. Алдымен суреттерге түсініктеме: Бірінші сурет: Шыңжаң өлкесінде 1934-44 жылдары өлке губернаторы болған Шэн Шицайдың (盛世才) бейнесі. Екінші сурет: Тайвань Тайпэйдегі Шэн Шицайдың мазары. 2024 жылы арнайы іздеп тауып басына барғандағы естелік. Ол туралы естелікті кейін оқисыздар. Үшінші сурет: Шыңжаң өлкесі Құмыл аймағының аймақ губернаторы болған Жолбарыс Бег-тің мазары. Тайвань Тайпэй қаласындағы мұсылмандар зиратында жерленген. 2024 жылы арнайы іздеп тауып басына барып қайттым. Төртінші сурет: 1944 жылы ұлт-азаттық көтерілісшілері Құлжа қаласын азат қылған соң қала
ҒАЛЫМ БОҚАШ. «Өзіне ар тұтқан, жаттан зар тұтады!»

kerey.kz

Екі мыңыншы жылдардың басында қазақ руханиятында ерекше басылымдар болды. Атап айтсақ, Атырау шәрінде шыққан «Алтын Орда» газеті болса, одан кейінгісі Алматы қаласында шығып тұрған «Жас қазақ», сондай-ақ «Шетел Әдебиеті» сынды газеттер еді. «Алтын Орда» газетіне Мейірхан Ақдәулетұлы, ал қалған екеуіне Талғат Ешен мен Ардақ Нұрғазы іспетті қазақтың интеллектуал азаматтары бас редактор болған еді. Бәрі де есімдері елге мәлім, ғажайып ақындар. Бәз біреулердің: «Журналист болмаса, ақын ешқашан жарытып газет шығара алмайды», – деген сыпсың сөздерінің ауызына құм құйып, әлгі әпербақан түсініктің аяғын көктен келтірген де осы талантты қаламгерлер болды. «Әдебиет порталы» «УАҚЫТ ПЕН КЕҢІСТІК…» айдарымен тек аталған осы басылымдар ғана емес, жаңа ғасырдың басында қазақ баспасөзінде жарық көрген небір жілікті жазбалар мен танымдық
АҚШ Иранның Харк аралын басып ала ма?

kerey.kz

Киан ШАРИФИ Иран ислам республикасына тиесілі Харк аралы. Америка мен Израильдің Иранға әуе шабуылдары жалғасып жатқан тұста АҚШ-тағы саяси ортада ислам республикасына тиесілі Харк аралын басып алу идеясы талқылана бастады. Сарапшылардың айтуынша, Вашингтон Ирандағы мұнай экспортының негізгі ошағы саналатын Харк аралын нысанаға алуы әбден мүмкін. Бұл санкциялар құрсауындағы Иран экономикасын құлатпай ұстап тұрған басты табыс көзін жауып тастауы ықтимал. Алайда Иран мұнай экспортының 90 пайызын қамтамасыз ететін Парсы шығанағындағы шағын аралды басып алса, бұл АҚШ пен Израильдің Иранға қарсы соғысын тіпті ушықтырып жіберуі мүмкін. Мұның өзі де Иран экономикасын толық құрдымға жібере алмайды дейді сарапшылар. 7 наурызда Axios басылымы АҚШ әкімшілігі Харк аралын басып алу мүмкіндігін талқылағанын хабарлады . Иран бұл аралға