Еліміздің Шығыс өңіріндегі діни ахуал. Кеше және бүгін
Қазақ Елінің тарихы мен мәдениеті көп ғасырлар бойы Ислам дінімен байланыса дамып келеді. Ислам діні қазақ халқының өзіндік руханияты мен мәдениетінің қалыптасуындағы негізгі қайнарлардың бірі. Орталық Азия мен Қазақстанға Исламның енуі VII-VIII ғасырларға жатқызылады. Алғашқы араб дін таратушылары 670 жылдардан бастап қазақ жеріне келе бастаған. Тарихшылар VIII ғасыр басында Орталық Азияда миссионерлік қозғалыс жанданған дейді. Исламның түбегейлі орнығуына VIII ғасыр ортасында, яғни 751 жылы Тараз қаласының маңындағы араб әскербасы Зияд ибн Салих пен қытай қолбасшысы Гао Сяньчжи арасында бірнеше күнге созылған Атлах шайқасында арабтардың жергілікті халық – қарлұқтардың көмегімен жеңіске жетуі айтарлықтай ықпалын тигізген екен. Қытай әскері күйрей жеңіліп, Жетісу мен Шығыс Түркістан азат етіледі. Араб әскерінің бұл жеңісі Орта
