Elimizdiñ Şığıs öñirindegi dini ahual. Keşe jäne bügin
Qazaq Eliniñ tarihı men mädenieti köp ğasırlar boyı Islam dinimen baylanısa damıp keledi. Islam dini qazaq halqınıñ özindik ruhaniyatı men mädenietiniñ qalıptasuındağı negizgi qaynarlardıñ biri. Ortalıq Aziya men Qazaqstanğa Islamnıñ enui VII-VIII ğasırlarğa jatqızıladı. Alğaşqı arab din taratuşıları 670 jıldardan bastap qazaq jerine kele bastağan. Tarihşılar VIII ğasır basında Ortalıq Aziyada missionerlik qozğalıs jandanğan deydi. Islamnıñ tübegeyli ornığuına VIII ğasır ortasında, yağni 751 jılı Taraz qalasınıñ mañındağı arab äskerbası Ziyad ibn Salih pen qıtay qolbasşısı Gao Syan'çji arasında birneşe künge sozılğan Atlah şayqasında arabtardıñ jergilikti halıq – qarlwqtardıñ kömegimen jeñiske jetui aytarlıqtay ıqpalın tigizgen eken. Qıtay äskeri küyrey jeñilip, Jetisu men Şığıs Türkistan azat etiledi. Arab äskeriniñ bwl jeñisi Orta
