Jılqınıñ eti 17 auruğa em
kerey.kz
Qazaq halqı tört tüliktiñ töresi dep töbesine köteretin jılqınıñ qasietin tauısıp aytu mümkin emes. Ata-babamız eti men süti şipa januardı bağalay bilgen.
Qazirde qazaq qana emes, köp auruğa em sanalatın jılqı etin damığan Europa elderi de moyındap otır. Şeteldik zertteuşi-därigerler ettiñ işindegi eñ paydalısı – jılqınıñ eti ekendigin, jılqı mayınıñ adam organizminde eşqaşan twnbağa tüspeytindigin zerttep bildi. Olar jılqı etiniñ 17 türli auruğa em bolatındığın moyındadı.
Jılqı etiniñ eñ bastı qasieti- jürek, qan tamır aurularına, büyrek jwmısın jaqsartuğa, buın süyekteriniñ sırqırauına, işki ağzanıñ dwrıs jwmıs jasauına tigizer äseri mol. Ağza jasuşaların jañartıp otıratın qasieti de däleldengen. Al bwl degeniñiz qartaymaudıñ bastı qağidası.
Sonımen qatar, jılqınıñ jüregin jeu mi qızmetin jaqsartadı. Midağı milliondağan jasuşalardı jañartıp, este saqtau qabiletine jauap beretin talşıqtarğa kömek beredi. Mamandardıñ aytuınşa jılqı etin twraqtı jeu midıñ wzaq uaqıt «mültiksiz» qızmet körsetuine septigin tigizedi. Ol üşin jılqı jüregin pisirip ne quırıp jeu kerek. Al qaqtalğan sür et büyrek jwmısına paydalı. Sürlengen etti äbden pisirip, sütpen birge qabıldau büyrek pen nesep joldarına oñ äserin tigizedi.
Jılqı etinde negizinen mineraldı zattar, onıñ işinde temir köp. Äsirese, jılqı bauırı temirge, A1, V2, V12 därumenderine bay. Mamandar jılqı etin mwzdatqışta saqtağannan göri onı sürlep saqtağan äldeqayda paydalı ekendigin aytadı.
Qazaq Wlı Kereytıñ facebook paraqşasınan alındı
Pikir qaldıru