Otırıstı aşqan Nwrswltan Nazarbaev äskeri jattığu barısında qaza tapqan 7 äskeri qızmetkerdiñ tuıstarı men jaqındarına barşa Qazaqstan halqınıñ jäne jeke öziniñ atınan köñil ayttı.

– Jambıl oblısında qar köşkini saldarınan bolğan qayğılı oqiğa turalı habardı zor küyzelispen qabıldadım. Olardıñ ärqaysısı eliniñ nağız patriotı bolıp, öz äskeri mindetin soñına deyin atqardı. Qorğanıs ministrligine qaza tapqan sarbazdardıñ otbasılarınıñ bärine jan-jaqtı kömek pen qoldau körsetudi tapsıramın. Memlekettik komissiya bolğan oqiğanıñ sebepterin anıqtauda. Mwnday qayğılı jağday bolaşaqta qaytalanbau üşin barlıq qajetti şaralardı qabıldaymız, – dedi Qazaqstan Prezidenti.

Qauipsizdik keñesiniñ kün tärtibine mınaday mäseleler şığarıldı:

– Qazaqstan Respublikası wlttıq qauipsizdiginiñ 2012-2016 jıldarğa arnalğan strategiyasınıñ iske asırılu qorıtındıları, jaña strategiyada belgilengen aldağı kezeñge arnalğan negizgi qadamdardıñ tanıstırılımı;

– äskeri-tehnikalıq sayasattıñ birqatar aspektisi;

– «EKSPO-2017» halıqaralıq körmesine dayındıq jäne onı ötkizu kezinde qoğamdıq qauipsizdikti qamtamasız etu şaraları.

Elbası qwzıretti memlekettik organdardıñ küş-jigeri arqasında ötken kezeñde Qazaqstanda sırtqı qauipsizdik pen işki sayasi twraqtılıq qamtamasız etilgenin atap ötti.

– Älemdik ekonomikadağı dağdarıs jağdayına, otandıq ekonomikanıñ qiınşılıqtarına qaramastan, makroekonomikalıq körsetkişterdi tiimdi deñgeyde wstap twra aldıq. İşki, öñirlik jäne jahandıq üderisterge qatıstı jürgizilgen taldau aldağı kezeñdegi elimizdiñ wlttıq qauipsizdigine tönui ıqtimal sın-qaterler men qauipterdi anıqtauğa mümkindik berdi. Qazir elimizde Qazaqstan halqına joldauda körsetilgen maqsattar men mindetter, wsınılğan sayasi jäne konstituciyalıq reformalar talqılanuda. Jalpı, olardıñ deni respublika twrğındarınıñ qoldauına ie bolıp otır, – dedi Memleket basşısı.

Sonday-aq, Qazaqstan Prezidenti qazirgi kezde qauiptiligi özekti bolıp otırğan ekstremistik jäne terroristik äreketterge qarsı twru eñ äuelgi mindet bolıp tabılatının ayttı.

– Jaña strategiyada atalğan qızmet bağıttarınıñ ärqaysısı boyınşa tiisti qwrılımdardıñ äreket etu şaraları qarastırılğan, – dep tüyindedi Nwrswltan Nazarbaev.

Bwdan bölek, Memleket basşısı memlekettik organdarğa basqa da salalar men bağıttarğa qatıstı wlttıq qauipsizdikti qamtamasız etu jöninde birqatar mindet qoydı.