WLITAUĞA BARDIÑ BA, WLAR ETİN JEDİÑ BE?
kerey.kz
Wlar qwsı wyasın biik taudıñ qiyasına, wşar basına saladı. Qısı-jazı tau basın meken etetin otırıqşı, dene twrqı kekilikke wqsas keletin şağın ğana wlar eşkimniñ mazalağanın, tınıştığın bwzğanın qalamaydı. Sondıqtan da közden jıraqta, adamnan tasada tirşilik etedi. Wlar qws torğa tüsse, dereu ölip qaladı . Älemniñ birde-bir zooparkinen wlar körmeytinimiz sodan bolar.
Tauda oynağan kekiliktiñ, qalıñda jürer bödeneniñ, tipti qırğauıldıñ jwmırtqaların üy tauığına bastırıp, balapandarın qolğa üyretuge boladı. Şöjeleri tegim, näsilim basqa demey, telmeñdep, tauıqtıñ soñınan jügirip jüredi. Al wlar qolğa üyrenbeydi. Jwmırtqasın tauıq basıp ta şığara almaydı, balapanına adam qolı tise boldı – öledi. Qolğa tüspestigin meñzegeni bolar, qazaqtıñ qara öleñinde: Wlıtauğa şıqtıñ ba, Wlar etin jediñ be? – degen joldar saqtalğan.
Elimizde Altay jäne Gimalay wları kezdesedi. Köbine 5-10-nan toptasıp jürip, tek köktemde ğana jwptasatın olar öte saq keledi. Tau bökterinde jayılıp jatqanda, bireui biik qwzğa şığıp, jan-jağın bağdarlap twradı eken.Eger qauipti sezse, ayrıqşa ün şığarıp, habar beretin körinedi. Qalğan qwstar mwnı estip, äbigerlenip, şulaytın körinedi.Tilimizdegi «wlarday şulau» degen twraqtı tirkes osındaydan qalıptassa kerek. «Qıstıñ ayazdı künderinde tas quıstarınan pana tauıp, toptasıp birin-biri jılıtadı. Qar qalıñ jauğan jıldarı köbine tautekeniñ soñınan erip otıradı. Sebebi tautekeler tebindep jayılıp, qırat betkeylerindegi qardı tazartıp, qanattılardıñ azığın tez tabuına kömektesedi eken.
Denesiniñ şağındığı men jaratılısınıñ näziktigine qaramay, erimes qar jatar suıq qwz basın, adam ayağı baspas jartas betin tañdauı bwl qwstıñ tazalığı men qiındıqqa şıdamdılığın tanıtsa kerek.
Janat Isaeva
filologiya ğılımdarınıñ kandidatı
Kazakh-tv.kz
Pikir qaldıru