Prezident Qasım-Jomart Toqaev orıstar köbirek şoğırlanğan Qazaqstannıñ soltüstik oblıstarında “Qırım scenariyi qaytalanuı mümkin” dep boljauğa negiz joq dep sanaydı. Reseylik “Komsomol'skaya pravda” gazetine bergen swhbatında prezident osılay degen.

“Psevdosarapşılardıñ mwnday boljamdarı eşteñe negizdelmegen. Mwnday joramal Qazaqstandağı jağdaydı twraqsızdandıruğa jäne Reseymen aradağı tatu qarım-qatınastı bwzuğa bağıttalğan. Mwnday boljamdı tek biliksiz adamdar, bireuge jağınğısı kelgen qasköyler ğana aytuı mümkin” dedi Toqaev basılım tilşisine.

Prezident sonımen birge Qazaqstanda orısşa eldi meken attarın qazaqşalau jäne “slavyan wltı ökilderiniñ memlekettik organğa ornalasu kezinde qiındıqtarğa wşıraytını” turalı swraqtarğa jauap bergen. “Eldi meken attarı jappay özgertilip jatqan joq” degen prezident birqatar eldi mekenderdiñ köne attarı qaytarıldı, “sovet däuirin eske salatın ündespeytin toponimder, jergilikti twrğındar arasında tanımal emes” ataular alınıp jatır dep aytqan.

“Bilik orısşa ataulardan tolıq arılu maqsatın qoyıp otırğan joq. Jaqında Qarağandıda Grigoriy Potanin, Aleksandr Zataeviç köşeleri payda boldı. Memlekettik qızmetke barğısı keletin adamdarğa diskriminaciya jasaladı degen twjırımmen de kelispeymin. Slavyan jäne özge etnos ökilderi barlıq ükimettik mekemelerde, parlamentte, mäslihattarda bar. Orıstar şağın jäne orta biznestiñ damuına eleuli üles qosıp jatır. Konstituciya boyınşa, orıs tili resmi til retinde memlekettik organdarda qoldanıladı” dedi Toqaev.

Prezident swhbat barısında sonımen birge Qazaqstannıñ Resey men Belarus' odağına qosılu josparı joğın da aytqan.

Aşıq derekközindegi aqparat boyınşa, Qazaqstanda orıs wltı ökilderi eldegi halıqtıñ 18,8 (3 million 800 mıñğa tarta adam) payızın qwraydı. Etnikalıq orıstardıñ ülesi Soltüstik Qazaqstan oblısında – 49, Qostanay oblısında şamamen 40 payızdı qwraydı.

Azat Europa / Azattıq radiosı