Wjımdıq qauipsizdik turalı şart wyımınıñ sessiyası bir minut ünsizdikten bastaldı, – dep habarlaydı Tengrinews.kz tilşisi.

Sessiyağa Qazaqstan, Resey, Täjikstan, Belarus' prezidenti, Armeniya prem'er-ministri, Qırğızstannıñ Prezident äkimşiliginiñ basşısı Aqılbek Japarov jäne WQŞW bas hatşısı Stanislav Zas' qatısıp otır.

Prezident Qasım-Jomart Toqaev jappay tärtipsizdikterge qatısqan sodırlar jasırınu üşin saqalın qırıp, kiimin auıstırıp alğanın ayttı.

Keltirilgen barlıq derekke qaramastan, keybir derekközder Qazaqstandağı bilik beybit şeruşilerge qarsı küres jürgizip jatqanın mälimdep otır. Bwl – jalğan aqparat. Biz eşqaşan beybit şeruşilerge qarsı qarulı küşterdi qoldanğan emespiz, qoldanbaymız da”, – dedi  WQŞW jiınında söylegen sözinde.

“Terrorizmge qarsı operaciya ayasında qılmıstarğa qatısqan adamdar anıqtalıp jatır. Büginde policiyağa 8 mıñnan asa adam jetkizildi. Qwqıq qorğau jäne arnayı organdar olardıñ terrorizmge, adam öltiru, tonau jäne basqa da qılmıstarğa qatısı bar-joğın anıqtap jatır.

Jasırın şabuıldauşılardı anıqtau maqsatında jospar jasalıp jatır. Olar erekşe türde jasırınadı – azamattıq kiim kiedi, saqaldarın qıradı. Qarqındı jwmıs isteu qajet”, – dedi Toqaev.

Onıñ aytuınşa, birinşi kezekte beybit şeruler ötken.

“Keyin Almatıda sayasi mitingter ötti. Sodan soñ qalağa üş bağıttan qarulı küşter basıp kirdi. Basında özderin beybit demonstranttar sekildi wstap, twrğındardı arandattı. Keyin tarihta Almatı tragediyası degen atpen qalatın oqiğa bastaldı”, – dedi Memleket basşısı.

“Terroristerdiñ qatısı barın senimmen ayta alamın. Onıñ işinde Qazaqstanğa qarsı şetel sodırları bar. Bülikşilerdiñ tünde mäyithanağa şabuıl jasap, qaza bolğan jaqtastarınıñ mäyitin alıp ketkeni jay emes. Sodırlar da soğıs alañınan jaqtastarı mäyitin alıp ketedi. Bwl älemdik belgili terroristik toptardıñ qoldanısındağı täjiribe. Däl osılay olar izin jasıradı. Bizdiñ şekara aumağında bülik jasap, bilikti basıp alu oyı bolğanı ayqın körinip twr”, – dedi Toqaev WQŞW jiınında.

“Jaqın arada aldın ala tergeu ayaqtalğannan keyin älemdik qauımdastıq sotına elimizge qarsı terroristik şabuıl dayındalğanın rastaytın dälelderdi wsınamız. BWW, EIQW, jäne halıqaralıq wyımdar terrorister, qılmıskerler, qasköyler äreketin tolıq tergeuge müddeli ekenine senimdimin”, – dedi Toqaev.

Sonımen qatır, Memleket basşısı erte qorıtındı jasamaudı swradı. Sonday-aq, ol äu bastan Qazaqstan tarihındağı bwl qiın kezeñdi jeñip şığatınına sengenderge alğıs bildirdi.

– Şın mäninde, WQŞW-ğa müşe memleketterdiñ biriniñ qauipsizdigin, twraqtılığı men twtastığın qamtamasız etu üşin Wyımnıñ bitimgerlik küşteriniñ auqımdı türde jwmıldırılu jağdayı birinşi ret bolıp otır. Biz üşin WQŞW boyınşa äriptesterimizdiñ äskeri ğana emes, moral'dıq qoldau körsetui de asa mañızdı. Wyımğa müşe memleketterdiñ bäri birtwtas maydan bolıp, Qazaqstannıñ ündeuin birauızdan qoldadı, – dedi Qasım-Jomart Toqaev.