2001-2006 jıldar aralığında WQK-niñ basşısı bolğan Nartay Dütbaev Kärim Mäsimovke qatıstı qozğalğan qılmıstıq is boyınşa tüsinikteme berdi, dep habarladı  orda.kz.

Dütbaev Mäsimovtiñ «öte saq» ekenin atap ötti.

«Prem'er-ministr bolğan kezde de ol tez qabıldaytın şeşimder men şaralardı, wzaq jäşikke salıp, bäriniñ tınıştaluın kütetin. Onımen jwmıs istegenderdiñ bäri onı jaqsı biledi. Al mwnı mağan tüsinu qiın» dedi Dütbaev Orda.kz redaktorına.

 

Degenmen, tağı bir fakt bar. Dütbaevtıñ aytuınşa, 4 qañtarda WQK oblıstıq departamentterge jağdayğa aralaspau jäne tek baqılau jasau turalı bwyrıq jibergeni turalı aqparat senimdi.

«5-i küni tüs kezinde barlığına kelesi eskertuge deyin üylerine qaytsın degen bwyrıq tüsti. İsterdi örtep, bärin qwrtıp, nısandardı japtı. Bwl taza satqındıq. Öytkeni, İşki ister ministrliginde, WQK mwnday kezde ne isteu kerektigi turalı… Azamattardıñ ömirine qauip tönse, memlekettik mekemelerdi örteytindey jağday bolsa, bekitilgen jospar bar. Ol jerde küşter qalay bölinedi, kim qayda bolu kerek, ne isteu kerektigi jazılğan» dep jalğastırdı WQK eks-basşısı.

Bwl josparlar jüzege asatın bolsa, qauipsizdik küşteri aldın ala bekitilgen algoritm boyınşa äreket etui kerek edi, dep atap ötti Dütbaev.

«Men üşin bwl ülken jwmbaq bolıp qala beredi, onıñ jauabın äli taba almay kelemin. Qalayşa bükil WQK wyımdasqan qılmıstı bilmedi. Olar narazılıqqa üşinşi küştiñ şığatının bilui kerek edi. Jedel aqparat mindetti türde bilikke tüsui kerek. Mwnday aqparat bolmağanına sene almaymın» dedi ol.

Dütbaev atap ötkendey, Mäsimov WQK törağası qızmetine kirisu arqılı bwrın aqparat jinaqtalğan komitettiñ taldau bölimderin joydı.

«Biz Memleket basşısına arnalğan situaciyalıq bölme dep atalatın bölmeni qwruğa tırıstıq. Onda aqparat ağını, algoritmder, bağdarlamalıq qamtamasız etu, tehnikalıq qwraldar zamanaui deñgeyde köru üşin äzirlendi. Tek qwpiya aqparattan ğana emes, sonımen qatar aşıq közderden de. Biraq bwl jağı kömeski küyinde qaldı» dep qostı Dütbaev.

Sonımen birge, ol WQK-niñ barlıq qızmetkerlerine birdey küye jağıp, olardı Otanın satqandar demeuge şaqırdı.

«Men öz eline adal, wlttıq qauipsizdikti şınımen qorğaytın, ömirlerin osığan arnağan köptegen jaqsı jedel qızmetkerlerdi bilemin» dep tüyindedi Dütbaev.

Nartay Dütbaev QR WQK 2016 jılı jeltoqsanda QR Qılmıstıq kodeksiniñ «Memlekettik qwpiyalardı jariya etu» jäne «Bilik pen ökilettik şeginen şığu» babı boyınşa qılmıs jasadı degen küdikpen wstalğan bolatın. Bir jıldan säl astam uaqıt ötken soñ Dütbaev jeti jarım jılğa bas bostandığınan ayırıldı. 2020 jıldıñ jazında Dütbaev şarttı türde merziminen bwrın bosatıldı.

Kärim Mäsimov 6 qañtarda QR WQK basşısı qızmetinen bosatılıp, keyin eki ayğa qamauğa alındı.

Mäsimov memleketke opasızdıq jasadı jäne bilikti küşpen basıp aluğa bağıttalğan äreketter jasadı degen küdikke ilindi. Mäsimovpen birge osı iske qatıstı WQK törağasınıñ bwrınğı orınbasarları Änuar Sadıqwlov pen «A» arnayı jasaq qızmetiniñ bastığı Däulet Erğojin wstalıp, qamauğa alındı.