Ukraina prezidenti Vladimir Zelenskiy “Ülken jetilik” elderi sammitine qatısu üşin Hirosima qalasına baradı. Bwl turalı Kyodo agenttigi, sonımen birge The New York Times, The Washington Post jäne CNN Japoniya ükimetindegi derekközderge silteme jasay otırıp habarladı.

Reuters agenttigi bolsa mwnday mälimetti Euroodaqtağı derekközge süyene otırıp tarattı.

Kiev äzirge mälimetti resmi türde rastağan joq.

Zelenskiy keñsesi prezidenttiñ saparlauı mümkin ekenin joqqa şığarmadı, biraq “bäri wrıs alañındağı jağdayğa baylanıstı” bolatının eskertti.

Bloomberg mälimetinşe, Zelenskiy Arab elderi ligasınıñ Saud Arabiyasında ötetin sammitine qatısqan soñ, AQŞ äue küşteriniñ äskeri wşağımen Japoniyağa jetedi. Jaqında Ukraina prezidenti Italiya, Germaniya, Franciya jäne Wlıbritaniya elderin aralap, Kievke qaru-jaraqtıñ jaña partiyasın jetkizuge kelisken.

Zelenskiydi Hirosimadağı sammitke Japoniya prem'er-ministri Fumio Kisida biıl naurızda Kievke barğan uaqıtta şaqırğan. Jaqında ğana Kisida Ukraina prezidenti sammitke onlayn qatısadı degen. Japoniya sırtqı ister ministrliginiñ habarlauınşa, Zelenskiy sammittiñ jeksenbidegi otırısına videobaylanıs kömegimen qosıladı.

Ukrainadağı soğıs jäne Kievke Resey basşılığına tötep beruge kömektesu – damığan jeti memleket basşısınıñ kezdesuinde talqılanatın mäselelerdiñ biri. Üş kündik sammit 19 mamırda Hirosima qalasında bastaldı.

Azat Europa / Azattıq radiosı