Ukraina prezidenti Vladimir Zelenskiy 24 aqpanda Kievte ötken “Ukrainanı qoldaymız” dep atalğan sammitte ondağan memlekettiñ basşısın qarsı aldı.

“Liderler, onlayn da, offlayn da bizdiñ egemendigimizdi, aumaqtıq twtastığımızdı qoldap jatır. Bwl Reseydiñ Ukrainağa qarsı negizsiz, qılmıstıq soğısı ekenin bärimiz tüsindik” dedi Zelenskiy.

Ol Kievte 13 memlekettiñ liderimen kezdesti. 20-dan astam el basşısı jiınğa onlayn qatıstı.

Bwl sammit AQŞ prezidenti Donal'd Tramptıñ jaña äkimşiliginiñ soğıstı toqtatu boyınşa jaña diplomatiyalıq bastamalarınan keyin ötip jatır. Vaşington men Mäskeudiñ Saud Arabiyasında ötken kelissözderinen keyin Ukraina men Euroodaq özine tiimsiz kelisim qabıldanadı dep qauip etken.

“Soğıstı bastağan – Resey” dedi sammitke onlayn qatısqan Germaniya prezidenti Frank-Val'ter Ştaynmayer.

Al Eurokomissiya törağası Ursula fon der Lyayen jiında Ukrainağa “qwral-jabdıq pen oq-däri jetkizu tezdetiletinin” jäne 3,5 milliard dollarlıq jaña järdem körsetiletinin aytıp uäde berdi.

Ispaniya ükimet basşısı Pedro Sançes te 1 milliard dollarlıq äskeri järdem men qwral-jabdıq jöneltetinin ayttı.

Al Kanada prem'er-ministrdi Djastin Tryudo Kievke jaña äser jiberetinin jäne Reseydiñ bwğattalğan aktivterin Kievke beretinin ayttı.

24 aqpanda Reseydiñ Ukrainağa basıp kirgenine üş jıl boldı. Resey prezidenti Vladimir Putin soğıs aşqandağı maqsatı Ukrainanı “denacifikaciyalau” jäne “demilitarizaciyalau” dedi jäne özderin “Doneck halıq respublikası” (“DHR”) jäne “Lugansk halıq respublikası” (“LHR”) dep atağan jikşil aymaqtardı “genocidten qorğau” dep atadı. Biraq Mäskeu bwl twjırımdarın layıqtı türde negizdep bergen joq.

Azat Europa / Azattıq radiosı