1 mausım küni jariyalanğan videoda bombası bar kvadrokopterler jük köliginen wşıp jatqanı körinedi, arğı jağında ört bolıp jatır. Sol küni Ukraina qauipsizdik qızmeti Resey aerodromdarına soqqı jasağanın, nätijesinde Kreml'diñ strategiyalıq bombalauşı wşaqtarı joyılğanın mälimdedi.
Äskeri taktika bölmelerinde bwl videolardı mwqiyat zerdelep jatqanı anıq.
“Bwl şabuıldı bükil älem äskeri qızmetkerleri dabıl dep qabıldauı qajet” dedi Jaña amerikalıq qauipsizdik ortalığınıñ Qorğanıs bağdarlaması direktorı Steysi Pettidjon (hanım) Azattıq radiosına.
“[1 mausımdağı şabuıl] köptegen qırı boyınşa Ukrainanıñ wzaqqa wşatın drondar şabuılınan tiimdi bola şıqtı. Öytkeni şağın drondar şaşırap ketip, ärtürli nısandardı közdey aladı jäne ülken äue bazasındağı türli nısanağa däl soqqı jasay aladı” dedi dron jönindegi sarapşı.
“Şabuıldıñ negizgi tiregi – äue bazalarına jaqın jerlerge jasırın jetu jäne operaciyanı iske asıra bilu. Şaması bwl äue bazaları älsiz qorğalğan boluı kerek, öytkeni Ukraina [işki Reseyge] mwnşalıq tereñ barıp şabuıl jasay aladı degen qauip az boldı” dep qostı Pettidjon.
Äzirge drondar qay jerden basqarılğanı, Resey wşağın däl tabu üşin jasandı intellektige süyengen-süyenbegeni anıq emes. Ukrainanıñ mälimdeuinşe, kvadrokopterler jasırılğan jük köliginiñ töbesi “qaşıqtan” aşılğan.
Radiomen basqarılatın kvadrokopterler nısanağa jaqındağan sätte baylanıstan ajırap jatadı. Al 1 mausımdağı şabuıl kezinde tüsirildi degen dron videosında videoda aqau bayqalmaydı. Mwnday üzdiksiz kadrlar köbine kabel'men basqarılatın kvadrokopterlerge tän. Biraq bwl drondardıñ radiusı şekteuli. Al Ukraina qoldanğan jük kölikteri äue bazalarınan birneşe şaqırım jerde toqtağanın eskersek, drondar bwl radiustan asıp ketken körinedi.
Kiev 41 wşaqtı joydıq dese, tanımal kreml'şil bloger 10 wşaq joyıldı dedi.
“Drondarmen küres tehnologiyalarınıñ köbi talşıqtı-optikalıq kabel'der arqılı basqarılatın drondarğa qarsı qauqarsız bolıp qaladı. Reseyde bolğan şabuıl öte kürdeli bolsa da, onı däl sol küyinde qaytalau qiın bolsa da, äskeri mamandar talşıqtı-optikalıq drondardı eskerip, drondarğa qarsı strategiyasın qayta qarauı qajet” deydi Ratgers universitetiniñ docenti jäne drondarmen soğıs turalı kitaptıñ avtorı Maykl Boyl.
Äskeri äue bazaları köp qırlı jüyemen qorğalğan. Ädette bwl jüyege qauip közin anıqtaytın radar, zımıran jüyeleri, radiomen basqarılatın drondarğa qarsı baylanıs tejeytin qwrılğılar kiredi. 1 mausımdağı şabuıl osınıñ bärin aynalıp ötip, bwl jüyenip tiimsiz etti. Jaqın jerden wşırılğan drondar ädette radarlar aldın ala habarlaytın eskertusiz jetip keldi. Olardı top-tobımen wşıru mwnday şağın drondardı atıp tüsire alatın qorğanıs jüyelerin qauqarsız qıldı. 1 mausım küni tüsirilgen videolardıñ keybirinen Resey äskeri qızmetkerleri kvadrokopterlerge qoldağı qaruımen oq jaudırıp jatqanın estuge boladı.
Avstriya äskeri akademiyasınıñ Zertteu jäne damu böliminiñ jetekşisi, polkovnik Markus Reysnerdiñ sözinşe, Ukraina şabuılı “bolaşaq soğısınıñ dämin sezdirgen”.
Reysnerdiñ aytuınşa, soğıs bastalğalı Mäskeu Ukrainağa Tu-22, Tu-160 jäne Tu-95 strategiyalıq bombalauşı wşaqtarımen şabuıldap kelgen.
“Jii-jii bolğan bwl şabuıldar kezinde auır bombalauşı wşaqtar qanattı zımırandarın qauipsiz qaşıqtıqtan, yağni Ukraina äue qorğanıs jüyeleri radiusınan tıs aumaqtan wşırıp twrdı. Sol sebepti Ukraina bwl auır bombalauşı wşaqtardı jäne mañızdı kommunikaciya ortalığı sanalatın A-50 wşağın isten şığaruğa birneşe ret talpınıs jasadı” dedi ol Azattıqqa.
Sarapşınıñ aytuınşa, şabuıl kezinde qanşa wşaq joyılğanı Reseydiñ Ukrainağa qanday jiilikpen şabuıldaytınına äser etpek. YAğni, köp wşaq isten şıqsa, Resey şabuılı sireydi.
AQŞ arağayındığımen bastalğan kelissöz ayasında Resey men Ukraina delegaciyası 2 mausım küni Stambwlda tağı bir talqı ötkizdi. Resey sarapşısı Natal'ya Şavşukova “Nastoyaşee vremya” arnasına bergen swhbatında 1 mausımdağı şabuıl “Ukrainanıñ kelissöz kezindegi ıqpalın arttıradı” dedi.
Täuelsiz sarapşınıñ sözinşe, bwğan deyin Resey bitimge degen jappay ündeulerge qaramastan Ukraina qalaların bombalap, soğıstı ayaqtauğa qwlıqsız ekenin körsetu arqılı qalay küş körsetse, bwl jolı Ukraina däl sonday minez tanıtıp otır. Kiev öz küşin işki Reseyde şeber oylastırılğan operaciyanı iske asıru arqılı körsetti deydi Şavşukova.
Azat Europa / Azattıq radiosı
Pikir qaldıru