Qıtay Halıq Respublikasınıñ törağası Si Czin'pinniñ Qazaqstanğa resmi saparı ayasında kelissözder ötti
kerey.kz
Kelissözder barısında memleketter basşıları eki jaqtı jäne köpjaqtı ıntımaqtastıqtıñ mañızdı mäselelerin talqıladı, sonıñ işinde aymaqtıq qauipsizdik mäselelerine, halıqaralıq wyımdar ayasındağı ıntımaqtastıqtıñ nığayuına, sauda-ekonomikalıq, investiciyalıq, qarjı jäne mädeni-gumanitarlıq qarım-qatınastıñ damuına ayrıqşa köñil bölindi.
Nwrswltan Nazarbaev pen Si Czin'pin halıqaralıq kün tärtibindegi negizgi jayttarğa da toqtaldı.
Sonımen qatar memleketter basşıları Birikken Wlttar wyımı, Şanhay ıntımaqtastıq wyımı, Euraziyalıq ekonomikalıq odaq siyaqtı türli halıqaralıq wyımdar men basqa da köpjaqtı qwrılımdar ayasındağı ıntımaqtastıq pen üylestirudiñ bastı bağıttarın söz etti.
Qazaqstan Prezidenti Qıtay törağasınıñ elimizdegi prezidenttik saylaudan keyin Qazaqstanğa kelgen birinşi şeteldik memlekettiñ köşbasşısı bolıp otırğanına nazar audardı.
– Osı arqılı Siz bizdiñ qarım-qatınastarımızdıñ joğarı märtebesi men ayrıqşa mañızın ayşıqtay tüsesiz. Siz meni telefon arqılı qwttıqtadıñız, jedelhat joldadıñız, endi, mine, kelissözder ötkizuge keldiñiz. Biz mwnı joğarı bağalaymız, – dedi Memleket basşısı.
Nwrswltan Nazarbaev QHR-men tatu körşilik qarım-qatınastı jalğastıru Qazaqstannıñ sırtqı sayasatınıñ basımdığı bolıp sanalatının ayttı.
– Özara is-qimıl jasağan jıldarı biz ekijaqtı ıntımaqtastıqtı sapalı türde transformaciyalay aldıq. Biz Qıtay Halıq Respublikasımen ıqpaldastıqtı täuelsizdik jariyalağan alğaşqı künderden bastadıq. Sodan beri ülken joldı artqa tastap, tatu körşige aynaldıq, ekonomikalıq, sayasi twrğıdan senimdi dos äri sındarlı seriktes boldıq. Bizde qarım-qatınastarımızdı elderimizdiñ müddesi üşin äri qaray damıtuğa qajetti jağdaydıñ bar ekenine senimdimin, – dedi Qazaqstan Prezidenti.
Memleket basşısı eki eldiñ de josparı men naqtı belgilegen jwmıstarı bar ekenin, ol Qazaqstan-Qıtay qatınastarın mülde jaña deñgeyge şığaratının atap ötti. Soğan oray, Nwrswltan Nazarbaev QHR törağasına, sonday-aq Qıtay basşılığına seriktestikti damıtudağı qoldauı üşin alğıs bildirdi.
Sonımen qatar Qazaqstan Prezidenti Si Czin'pinniñ biılğı 23 qırküyekte Qıtayğa saparmen kelu jäne Beyjiñde ötetin Jeñistiñ 70 jıldıq mereytoyına qatısu jönindegi şaqıruın rizaşılıqpen qabıl aldı.
QHR törağası Si Czin'pin Nwrswltan Nazarbaevqa jılı qabıldauı üşin alğıs aytıp, Qazaqstan Prezidenti lauazımına qayta saylanuımen qwttıqtadı.
– Qazaqstan halqı Sizdiñ basşılığıñızben wyısa tüsip, memleket qwrılısı men wlttıq jañğıru isinde jaña, jarqın tabıstarğa jetu üşin birlese küş-jiger jwmsaytınına senimdimin, – dedi Si Czin'pin.
Qıtay törağası Qazaqstan-Qıtay strategiyalıq seriktestigi soñğı jıldarı qarqındı ilgerilep kele jatqanın ayttı.
– Bizdiñ elderimiz öñirdiñ damuı men twraqtılığın qamtamasız etu isinde mañızdı, sındarlı küşke aynaldı. Qıtay tarapı Qazaqstanmen qarım-qatınastı damıtuğa zor män beredi. Biz Qazaqstan tarapımen birlese otırıp, özara müddelilik bar negizgi mäseleler boyınşa özara qoldaudı küşeytu üşin bar küşimizdi jwmıldıruğa dayınbız. Qıtay qauipsizdik salasındağı, ekonomikalıq, gumanitarlıq salalardağı özara tiimdi ıntımaqtastıq ayasın jan-jaqtı keñeytuge, sonday-aq halıqtarımızdıñ igiligi üşin öñirlik jäne halıqaralıq isterdegi özara is-qimıl men üylestiru jwmısın küşeytuge nietti, – dedi Si Czin'pin.
Aqorda baspa söz qızmeti
Pikir qaldıru