Qazaqstan Respublikasınıñ barlıq qwqıq qorğau wyımdarınıñ nazarına!

Qwrmetti İİM, Bas prokuror, WQK törağası: Almatı qalasında jariya jäne qwpiya türde jwmıs istep jürgen separatistik wyım bar. Bwlar arakidik öz jwmıstarın istep, keyde tınıştalıp jatıp qaladı. Atalmış toptıñ äreketterine nazar audarıp, wlttıq qauipsizdigimizge nwqsan keltiruşiler retinde tiisti şara qoldanarsızdar. Osı toptıñ qarjılandıruı, jwmıs barısına jäne kömek beruşi aqparat qwraldarına nazar audaru kerek dep esepteymin.

Atqaruşı bilik tiisti zañ şığarıp, özimizdiñ bayrağımız tüstes merekelik lentalardı qoldanuğa ügittegenimen, bwl top «georgiy lentasın» aşıq türde taratıp älek.

Mısalı, «SMALL» supermarketi wlttıq naqıştağı lentalardı elemey, atalmış lentamen bezendirilip qoyğan. Swrastırıp körsek, bwl äreket dükenniñ basşılığınıñ tikeley nwsqauımen bolğan eken.

Sonday-aq 132-mekteptiñ bastauış sınıptağı oquşıları da bwl lentanı tağıp alıp, emin erkin jür. Bwl bassızdıqqa kim jauap berer eken?!

Almatı qalasınıñ № 105-marşrutı. Jürgizuşiniñ aytuı boyınşa tünde belgisiz bireuler «georgiy lentasın» barlıq kölikterge ilip tastağan körinedi. Kökiregi oyau azamattar ertesimen şeşip tastap, jwmısqa şığıptı. Biraq, bwl kimniñ isi ekeni sol küyinde belgisiz bolıp qaldı.

«Altın orda» bazarınıñ janındağı «SMALL» supermarketinde zımiyan sayasattı uağızdaytın lentanıñ iluli twrğanın körgennen keyin, men dereu türde policiya qızmetkerlerin şaqırdım. Kelgen qızmetkerler dükenniñ işine kiruge, zañ bwzılğanın anıqtauğa bas tarttı. Tek menen arız jazdırıp alıp kete berdi. Tipti, türi aziattıqqa keletin ağa serjant meniñ qazaq tilinde söylep twrğanımdı jaqtırmay, tıñdamay qoydı (öziniñ kim ekenin dwrıs tanıstırmadı, tek «Kudinov» degenin estip qaldım). Aytuınşa, tildi bilmeydi eken.

Memlekettik qazaq tilin meñgermegen adam qalayşa qwqıq qorğau salasında jwmıs istep jür? Policiya qızmetkeri degenimiz biliktiñ halıq aldındağı ökili emes pe?

Sondıqtan ministrler, bas prokuror, jäne de basqa da qwzırlı bilik basındağı twlğalar, elimizde bolıp jatqan bwl zañsız äreketterdi öz uaqıtında tıyıp, memleketimizdiñ qauipsizdigine nwqsan kelmeuin qadalağañızdar! Bwl halıqtıñ tilegi.

Qwrmetpen Äzimbay Ğali