Osıdan 2 jıl bwrın «Megapolis» gazetine swhbat bergen qıtay ekonomisi Genri Lyu osınday pikir bildirdi. «Eger Qazaqstan ükimeti meniñ wsınısıma qızığuşılıq tanıtsa, – dedi ol, – jağdaydı 4-5 aydıñ işinde oñaltuğa boladı. Öytkeni Qazaqstan şağın memleket, onıñ jüyesin basqaru oñay. Sondıqtan bir jıldan keyin JİÖ-di 2 ese arttıruğa tolıq mümkindik bar. Al men öz eñbegim üşin köp aqı swramaymın. Tek eki eselengen baylıqtarıñızdıñ 5 payızın berseñizder boldı».

Ekonomistiñ sözinşe, Qazaqstan ekonomikasın köterudiñ birneşe täsili bar. Solardıñ biri – eldegi mwnaydı teñgemen satu. Nätijesinde memlekettiñ dollarğa täueldiligi tömendeydi. Ol mwnday keñesti kezinde Qıtay ükimetine bergenin, qıtaylar qazirgi uaqıtta sırtqı saudanı töl valyutaları – yuan'men jürgizuge köşip jatqanın aytadı.

«Men antiamerikandıq emespin – deydi Genri Lyu. – Amerikalıqtar qazir mwnaylarıñızdı dollarmen satıp alıp jatır. Eger «qara altındı» teñgemen satsañızdar, olardıñ aktivteri sizderdiñ qoldarıñızğa ötedi. Nelikten? Sebebi olar mwnaydan bwrın sizderden teñgeni satıp aladı. Al teñgeniñ valyutalıq kursı Qazaqstan Wlttıq bankiniñ qolında».

Genri Lyudiñ aytuınşa, basqa memleketter de Qazaqstannıñ teñgesin satıp ala bastaydı, öytkeni teñge olarğa mwnay satıp alu üşin kerek. Osınday qadamdarğa baru arqılı eldiñ işki damuın, valyuta narığındağı poziciyasın nığaytuğa boladı. Al eger teñge halıqqa jetpey jatsa, onı köp qılıp emissiyalauğa (basıp şığaruğa) memleket qwqılı, öytkeni tölem jetkiliksiz bolıp jatsa, amerikalıqtar da dollardı basıp şığara beredi.

Genri Lyu – Rokfeller janwyasınıñ jäne N'yu-York meriniñ keñesşisi bolğan. Los-Andjeles qalasınıñ damu jobasın jasauşı. Soñğı 20 jıl boyı Qıtay ükimetiniñ ekonomikanı damıtu jönindegi keñesşisi bolıp jwmıs jasap kele jatır.

Alayda qıtay ekonomisiniñ wsınısı bizdiñ taraptan qoldau tappadı. Qazaqstannıñ 2013 jılğı JİÖ 2012 jılmen salıstırğanda 6 payızğa ğana ösken. Al 2014 jılğı ösu körsetkişi 7 payızdı qwraydı dep kütilude.