Jambıl oblısınıñ qılmıstıq ister jönindegi mamandandırılğan audanaralıq sotı Taraz qalasındağı «Auıl-Bereke» bazarında jarılıs jasamaq bolğan degen ayıp tağılğan bes er adamğa qatıstı jwma küni ükim şığarğan-dep habarlaydı azattıq radiosı.

Sot olardıñ ekeuin 4 jıl segiz ayğa, bireuin – 4 jıl altı ayğa jäne ekeuin – 4 jıl 3 ay merzimge bas bostandığınan ayırğan. Sot ükimi küşine äli enbegen.

Tergeuşiler bwl bes adamğa qılmıstıq kodekstiñ «terrorizm» baptarı boyınşa birneşe ayıp taqqan edi. Biraq sot olardıñ isinde auır qılmıs qwramı joq dep tauıp, sottaluşılardı «terrorlıq akt dayındalıp jatqanı turalı jalğan habar beru» jäne «bwzaqılıq» baptarı boyınşa ğana jauapqa tartu turalı wyğarım şığarğan.

Sot procesi kezinde sottaluşılar özderine tağılğan ayıptardı işinara moyındap, qılmıstıq äreketke «Auıl-Bereke» bazarı jwmısın älsiretip, twtınuşılardıñ basqa bazarğa baruın maqsat etkenderin mälimdegen. Olar özderine «terrorizm» baptarı boyınşa tağılğan ayıptardı joqqa şığarğan.

2014 jılı tamızdıñ 30-ı küni Tarazdağı «Auıl-Bereke» bazarı aumağınan benzin qwyılğan şölmekter men gaz ballondarı salınğan jeñil avtokölik tabılğandığına baylanıstı policiya qılmıstıq is qozğap, birneşe küdiktini wstağan edi. Sonımen birge, bıltır jazda Taraz policiyası atalğan bazarda «jarılıs bolatını» turalı tüsken jalğan habarlarğa baylanıstı üş ret qılmıstıq is qozğalğanı jaylı habarlanğan.