Belgili aytısker, aqın Aynwr Twrsınbaeva jwrt arasında ülken dau tudırğan Astanada ötken «Muz-TV» jüldesi jaylı öz oyın İnstagram paraqşasında jazdı dep habrlaydıNUR.KZ.

«Internettegi köp sayasatqa aralasqım kelmeydi, jalpı.. Altındarım, auır söz estu kimge oñay?! Bizde de jürek bar ğoy… Mağan Muz-TV-da neğıp jürsiz dep auzına kelgenin qwsıp jatqandar bar. Osıdan 2-3 jıl bwrın Arman Däuletiyarov qazaqqa janı aşısa qazaqtıñ wl-qızın kötersin dep bir post jazğan edim… Soğan oray şaqırğan soñ bardım, Arman köterip jatqan qazaqtı körgen joqpın, pikirimdi jazdım..! Men Resey änşilerimen birge otırdım sol jerde! Sırt közge jarq-jwrq etip twrdı… Namıstıñ qanşalıqtı taptalğanın öz közimmen kördim… Jigitterdiñ nege qarsı bolğanın wqtım! Qazaqtıñ darday änşi jigitteri qaydağı bir qıztekelerge suretke tüseyikşi dep jalınıp jürdi… Äjeptäuir el tanitın ağamızğa «VIA Gra» tobınıñ jalañaş qızdarı «nadoeli» dep mwrnın şüyirip, ketip bara jattı», — deydi Twrsınbaeva.

Aqın keş barısında keybir belgili twlğalardıñ atın atay almay şatasqan qazaqstandıq jürgizuşilerge «orısşa söyle» dep bwyrıq berilip twrğanın da ayttı.

Jürgizuşilerge scenariydi qayta-qayta özgertip, qwlağındağı qwlaqqappen orısşa söyle dep bwyrıq berilip twrğan

«Jürgizuşilerge scenariydi qayta-qayta özgertip, qwlağındağı qwlaqqappen orısşa söyle dep bwyrıq berilip twrğan eken! Dwrıs aşılıp söyleuge jol bermedi… Qwrısın, ötti, ketti! Şeteldiñ topırlap kelip, törimizde tayrañdauınıñ bası da, soñı da osı bolsa eken dep tileyik… Ne bolsa soğan aldanbayıqşı… Qazaqtar şou jasay almaydı, qazaqta änşi joq dep kim ayttı?! Maqpaldı 5 minutqa şığarsınşı ana jerge, zaldı qaq ayırıp jibersin… Jwbanışqa aytqızsın «Dudaraydı»! Körseter edi qalay än saludı… Amal qanşa sonday momınbız… Köndik!», — dep jazdı ol.

Twrsınbaeva Säkenniñ, (MuzArt tobınıñ änşisi) paraqşasın körip közine jas üyirilgenin atap ötip, şın mäninde qazaqqa kim jaqın ekenin oylanuğa şaqırdı.

«Bügin Säken dosımnıñ paraqşasın körip közime jas keldi… Aytıñızdarşı, onıñ bar jazığı qazaqtıñ öz äni, öz öneri, öz dauısı bar. Qonaq bolıp kelsin, än salsın, biraq topırlap kep törimizdi bilemesin degeni me?! Ağayındar-au, sizderge kim jaqın? MuzArt pa Muz-TV ma? Tarazınıñ eki basına tartıp, qazaqqa qaysısı köp eñbek siñirgenin oylayıqşı! Qazaqtıñ änin jürekke jetkizip jürgen kim? Auıl-auıldı aralap, qara qazaqtı quantıp jürgen kim?! Azğındap ketken gey toptarğa qarsı şığıp, ün qosqan kim?! MuzArt-tıñ gonorarı uday depti bir sauatsızdar. MuzArt-tıñ 20 jılda jinay almağan aqşasın Muz-TV bir-aq künde qılğıta salğan joq pa?! Nege biz osınday jeñil oylaymız? Bireu jılt etip kelip, jarq-jwrq toy jasap berip edi, basımız aynalıp, bauırımızdağı balamızdı basınan tebe saldıq! Işim aşidı! MuzArt bir kündik emes! Osında tudı, osında öledi! Qusañ da ketpeydi!!! Sizderge kim jaq?», — dep jazdı aqın öz paraqşasında.

Eske sala ketsek, Astanada  5-6 mausım künderi ötken «Muz-TV» arnasınıñ jüldesin tabıstau räsimine ataqtı «MuzArt» tobınıñ jigitteri barmaytının aytqan edi.

nur.kz