Qazaqstan Respublikası Sırtqı ister ministrliginiñ erekşe tapsırmalar jönindegi elşisi – resmi ökili Altay Äbibullaevtıñ mälimdemesi
kerey.kz
2015 jılı 28 mausımda Özbekstan şekara jasağı qızmetkerleriniñ qaru qoldanuı saldarınan otandasımız Uälihan Ahmetov oq jaraqatınan qaza taptı.
Oñtüstik Qazaqstan oblısı, Sarıağaş audanı, Qızıl Äsker auılınıñ twrğını bolğan U.Ahmetovtıñ barlıq jaqın-tuıstarına şın nietimizden köñil aytamız.
Oqiğa 2015 jılı 28 mausımda sağat 22.30-da memlekettik şekaranıñ qazaqstan-özbekstan telimindegi №178 şekara belgisi aumağında (Oñtüstik Qazaqstan oblısı, Sarıağaş audanı) orın aldı. Özbekstan şekara jasağı Sırdariya transşekaralıq özeninen balıq aulamaqşı bolğan Qazaqstan Respublikasınıñ eki azamatına qatıstı qaru qoldandı. Alğan jaraqatı saldarınan U.Ahmetov sağat 23.05-te köz jwmdı.
Osığan baylanıstı biz tabandı qarsılığımızdı bildire otırıp, nätijesinde beybit zamanda Qazaqstan Respublikası azamattarı mert bolatın Özbekstan şekara qızmetiniñ zañsız atıs qaruın paydalanuı memleketterimiz arasındağı Mäñgilik dostıq turalı şart (31.10.1998) jäne Strategiyalıq seriktestik turalı şartqa (14.06.2013) negizdelgen dostıq, tatulastıq jäne strategiyalıq seriktestikke sonday-aq, Şekara ökilderiniñ qızmeti turalı ükimetaralıq kelisimge (13.12.2000) qayşı keletinin mälimdeymiz.
Biz boljaldı tärtip bwzuşılarğa qatıstı atıs qaruın qoldanu zañğa qayşı äri jol berilmeytin şara degen wstanımdı qatañ qoldaymız jäne Özbekstan tarapınan Qazaqstan azamatınıñ qazasına qatıstı tolıqqandı aqparat beruin talap etemiz.
Joğarıda atalğan oqiğa boyınşa Özbekstan tarapınıñ jan-jaqtı äri ayğaqtı tergeu jürgizip, kinälilerdi jauapqa tartuın talap etemiz.
Uälihannıñ qazasına baylanıstı Qazaqstannıñ Taşkenttegi Elşiligi Özbekstan SİM narazılıq notasın wsınuğa qwzıretti.
Qazaqstan SİM şaqırılğan Özbekstan elşisine de atalmış nota wsınılatın boladı.
Pikir qaldıru