Rüstem Äbdiraş rejisserlik etetin tarihi serialğa Qıtaydan atajwrtqa oralğan qandasımız Wlarbek Däleywlı 700 jigittiñ işinen tañdalıp alınıptı. Ol kinoda Kerey hannıñ tört sardarınıñ biri bolıp oynamaq. Bwl at qwlağında oynaytın atpal azamattıñ twñğış ret kino salasına aralasuı eken. Öziniñ irikteulerden qalay ötkeni jaylı aqın Wlarbek Däleywlı bılay dedi:
«Elbasınıñ tapsırmasımen Qazaq handığınıñ 550 jıldıq mereytoyına baylanıstı kino tüsiriletininen habardar bolatınmın. Osı jıldıñ basında «Qamşı» portalınıñ jäne de osı Qazaq handığınıñ 550 jıldığına arnalğan müşäyrasında jüldeli bolıp Almatığa jolım tüsken edi. Sol kezde jolşıbay «Qazaqfil'mniñ» aldınan ötip bara jatıp kasting jariyalanğanı jaylı afişanı közim şalıp, bas swqqan edim. Birinşi irikteude biraz sınaqtardan sürinbey ötkenim üşin, ekinşi ret qayta şaqırdı. Rejisser Rüstem Äbdiraş özi qabıldap, zildey sauıttardı kigizip, at üstindegi önerimdi tamaşaladı. Ötken aptada kastingten ötkenimdi habarlap, süyinşiledi. Qazir sol Almatıda qwjattarımdı dayındaumen jürmin. Alla bwyırtsa, 20 şildede tüsirilim bastaladı dep otır. Söytip tört ay boyı ülken kinoda röl somdamaqpın. Ayta keterligi, meni Kerey hannıñ janında jüretin tört sardardıñ biri retinde tañdap otır. Kerey han ölgen soñ basqa röl berilip, jekpe-jekterge şığarmaqşı».
Aqınıñ aytuınşa, sınaqtardan sürinbey ötuine onıñ kelbeti men küşinen bölek at üstinde şauıp kele jatıp sadaqtı oñqay da, solaqay da öte jıldam atatın jäne at üsti jekpe-jegine asa şeberligi sep bolğan körinedi. Sonday-aq, qazaqtıñ salt-dästürin tolıq bilui de erekşe eskerilipti.

Maygül SWLTAN