Türkiya qazaqtarı qorı ötken jılı Türkiya qazaqtarınıñ birinşi qwrıltayın 28-31 şilde künderi ötkizgen bolatın. Jıl sayın ötkizilui josparlanğan qwrıltay biıl ekinşi ret ötkeli otır.
Qwrıltaydıñ alğaşqı üş küninde Türkiyadağı qazaq jastarınıñ 12 futbol komandasınıñ jarısı bolıp, «Qabanbay Batır» jüldesi üşin sayısqa tüsedi. Türkiya qazaqtarı jastardıñ wlttıq, tarihi sanasın qalıptastıru üşin sayısqa jıl sayın qazaqtıñ bir batırınıñ atın beru turalı şeşim qabıldağan. Ötken jılı jülde 300 jıldığı toylanğan «Er Jänibek batır» atına tağayındalsa, biıl Qazaq Handığınıñ 550 jıldığına baylanıstı «Qabanbay batır» atına berilip otır. Aqtıq sayısta büldirşinderden qwralğan ayaq dop şeberleri men ardager-aqsaqaldar şou matçtarın ötkizedi.
«20 şilde küni qwrıltay ayasında birqatar şaralar ötedi. Atap aytqanda, Türkiyanıñ qandastarımızdı qabıldağanına 63 jıl jäne Türkiya eliniñ Qazaqstan täuelisizdigin älemde birinşi bolıp tanuına 24 jıl toluına baylanıstı türik halqına alğıs sezimderin bildiru maqsatında eksprem'eri Adnan Menderes pen Prezident Twrğıt Özaldiñ kesenelerine gül şoqtarın qoyu räsimi ötpek. Tüsten keyin «Türkiya qazaqtarınıñ keşegisi, bügingisi, erteñgisi jäne atameken Qazaqstanmen baylanıstarı» taqırıbında döñgelek üstel wyımdastırıladı. Qwrıltay soñı gala koncertke wlasıp, Qazaqstan men Türkiyadan Elmira Şendwran, Nwrlan Bekenov, Nwrgül Alqoja, Beşir Ahmet Köse, Sedat Solakoğlı, Erjan Twnjer jäne dombıra kwrsınıñ tülekteri sındı önerpazdar men Beqarıs Nwriman, Sırım Äuezhan qatarlı aytıs aqındarı öner körsetedi. Qwrıltayğa Qazaqstannan Düniejüzi qazaqtarı qauımdastığı törağasınıñ birinşi orınbasarı Talğat Mamaşev jäne Germaniya, Franciya, Şveciya, Avstriya, Gollandiya, sındı Europa men Türkiyadağı 18 qazaq qoğamınıñ törağaları şaqırılıp otır» delingen habarlamada.

baq.kz