Ötip bara jatqan aptada elimizdiñ jergilikti atqaruşı organdarında birqatar kadrlıq auıs-tüyis orın aldı.

Almatı oblısınıñ äkimi Amandıq Batalovtıñ ökimimen Almatı oblısınıñ qarjı basqarmasınıñ jaña basşısı bolıp Sätbaev Bolat Temirhanwlı tağayındaldı.

Ol 1963 jılı tuğan. Almatı halıq şaruaşılığı institutı men Abay atındağı Almatı memlekettik universitetin tämamdağan. Mamandığı – zañger, ekonomist.

Mañğıstau oblısınıñ äkimi Alik Aydarbaevtıñ ökimimen oblıstıñ bilim basqarmasınıñ, käsipkerlik jäne sauda basqarmasınıñ jäne tabiği resurstar jäne tabiğat paydalanudı retteu basqarmasınıñ basşıları tağayındaldı.

Atap aytqanda, Mañğıstau oblısınıñ bilim basqarmasınıñ basşısı bolıp Tastemirova Zeynep Jwmağaliqızı qızmetine kiristi.

1990-2007 jıldarı – Mañğıstau oblısınıñ mektepterinde mwğalim, direktordıñ tärbie isi jönindegi orınbasarı qızmetterinde bolğan. 2007-2011 jıldarı – Mwnaylı audandıq işki sayasat böliminiñ, Mwnaylı audandıq bilim böliminiñ bastığı qızmetterin atqarğan. 2011 jıldan bastap qazirgi uaqıtqa deyin Mañğıstau oblısı bilim basqarması basşısınıñ orınbasarı, basqarma basşısınıñ mindetin atqaruşısı boldı.

Al Mañğıstau oblısınıñ käsipkerlik jäne sauda basqarmasınıñ basşılıq qızmetine Mwstapaeva Venera Twranqızı keldi. Ol 1966 jılı qırküyek ayında düniege kelgen. 1989 jılı Taşkent qalasındağı Temirjol köligi injenerleri institutın, 2002 jılı Ortalıq Aziya universitetin ekonomist-qarjıger mamandığı boyınşa tämamdağan.

Mañğıstau oblısınıñ tabiği resurstar jäne tabiğat paydalanudı retteu basqarmasınıñ basşısı bolıp Sağınbaev Serik Orınbasarwlı tağayındaldı.

Atırau oblısı Maqat audanınıñ äkimi bolıp Berikqali Särsenğaliev tağayındaldı.

«Atameken» WKP basqarması men Astana qalalıq Käsipkerler palatası öñirlik keñesiniñ şeşimimen elordalıq Käsipkerler palatasın Ğani Tasmağanbetov basqaratın boldı. Ol 1981 jılı Aqtöbe qalasında tuğan. 2005 jılı Japoniyanıñ Nagano qalasındağı Şinşu universitetin tämamdadı.

Tokiodağı Hitotsubaşi universitetin de bitirgen. Qazaqstanda qızmetin 2007 jılı Ekonomika jäne byudjettik josparlau ministrliginde Halıqaralıq qatınastar departamenti halıqaralıq ıntımaqtastıq jäne halıqaralıq wyımdarmen özara ärekettestik basqarmasınıñ basşısı qızmetinen bastağan. 2008-2009 jıldarı parlament mäjilisinde Ekonomikalıq reforma jäne öñirlik damu komitetiniñ konsul'tantı qızmetin atqardı. 2009-2012 jıldarı aralığında prezident äkimşiliginde konsul'tant-sarapşıdan bastap Strategiyalıq zertteuler men taldaular ortalığınıñ sektor meñgeruşisi qızmetine deyingi lauazımdardı atqardı.

2012 jılı Aqtöbe qalası äkiminiñ orınbasarı, sosın Aqtöbe oblısı ekonomika jäne byudjettik josparlau basqarmasınıñ basşısı boldı. Al 2013 jıldan bastap büginge deyin Astana qalası käsipkerler palatası direktorınıñ ekonomikalıq mäseleler jönindegi direktor orınbasarı qızmetin atqarıp keldi.

Ayta keterligi, bwğan deyin Astana qalasındağı käsipkerler palatasın basqarıp kelgen Meyirbek Mäjitov «Atameken» WKP Sırtqı sauda basqarmasınıñ törağası qızmetine tağayındalğan edi.

inform.kz