Esteriñizde bolsa, Qarasay audanındağı Jañatwrmıs orta mektebiniñ mwğalimi Ayman Sağidullaevanıñ janayqayı turalı Abai.kz portalı da birqatar BAQ-tıñ qatarında mäseleler köterip, materialdar, hattarjariyaladı. Qoğamdıq talqı men talap tekke qalmasa kerek, Abai.kz poştasına Ayman Sağidullaeva jibergen Ministrliktiñ aqparattıq habarlamasın nazarlarıñızğa wsınamız:
Qazirgi küni bwqaralıq aqparat qwraldarında jäne äleumettik jelilerde keybir öñirlerdegi, dälirek aytqanda Almatı oblısı, Qarasay audanına qarastı Jañatwrmıs orta mektebiniñ mwğalimi A.Sağidollaevanıñ mektep mwğalimderi eñbeginiñ zañsız paydalanatındığı jönindegi ündeui jäne jalpı mwğalimderdiñ märtebesine qatıstı aqparattardıñ tarap jatqanı belgili. QR Bilim jäne ğılım ministrligi (bwdan äri – Ministrlik) osı mäselege qatıstı mınanı habarlaydı:
Atalğan mäselege qozğau salğan Almatı oblısı Qarasay audanına qarastı Jañatwrmıs orta mektebiniñ mwğalimi A.Sağidollaevanıñ osı jıldıñ mamır ayında jasağan alğaşqı jariyalanımınan keyin QR Bilim jäne ğılım ministrligi jwmıs tärtibimen Qarasay audanındağı qalıptasqan jağdaymen tanısıp, orta bilim beru oşaqtarındağı eñbek jağdayın qatañ baqılauğa aldı. Mwğalimderdiñ swrau saluınan keyin jäne halıq aqını Mwhtar Şahanovtıñ jazğan aşıq hatına baylanıstı ministrlik orta bilim beru wyımdarınıñ qızmeti jergilikti atqaruşı organdarğa qarastı bolğandıqtan Almatı oblısı äkimdigine arnayı hat joldadı.
Atap ötkenimiz jön, Almatı oblısı bilim beru basqarması bügingi tañda Jañatwrmıs mektebiniñ jwmısındağı kemşilikter joyıldı, al A.Sağidollaevanıñ jwmıstan zañsız şığarılğandığı jönindegi aqparat rastalmadı.
Ministrlik öz tarapınan bwnday jağdayğa jol beruge bolmaytındığın resmi türde habarlaydı, sonday-aq, oqu üderisiniñ bükil qatısuşıların jäne jetekşilik etetin organdardı, wstazdar men bilim beru salası qızmetkerleriniñ eñbegin bağalap, mwğalimderdiñ märtebesin arttıruğa şaqıradı.
Osı maqsatta ministrlik arnayı jwmıstar atqarıp keledi: jıl sayın mwğalimderin biliktilikterin arttıru maqsatında granttar bölip, pedagogikalıq mamandığına oquğa tüsetin jastar üşin oqu aqısın arzandattı. Wstazdardıñ biliktiligin arttırudıñ strategiyalıq türli bağdarlamalar boyınşa olardıñ qabilettilikterin arttırıp, eñbek aqısın joğarılatudıñ josparı bekitildi.
Ministrlik qoğamdağı jağdayğa, sonıñ işinde mwğalimderdiñ jağdayına bey-jay qaramay, öz pikirlerin belsendi bildirip, azamattıq tanıtqan maqala avtorlarına alğıs bildiredi, sonday-aq talqığa salınıp jürgen bilim jüyesindegi ötkir mäseleler bolaşaqta bolmaydı degen senimde.
17.07.2015
Bilim jäne ğılım ministrligi.
Abai.kz
Pikir qaldıru