Ukraina Prezidenti Petr Poroşenkonıñ Qazaqstanğa resmi saparı ayasında keñeytilgen qwramdağı kelissözder ötti
kerey.kz
Kezdesu barısında Elbası Qazaqstan men Ukrainanı dostıq jäne özara qwrmetke negizdelgen tığız tarihi qarım-qatınastar baylanıstıratınına toqtaldı. Nwrswltan Nazarbaev Qazaqstanda büginde tegi ukrain 300 mıñnan astam azamat twrıp jatqanına, olar bizdiñ qoğamnıñ bölinbes bölşegi retinde elimizdiñ damuına zor üles qosıp otırğanına nazar audardı.Memleket basşısı sonday-aq meylinşe özekti sayasi jäne ekonomikalıq ıntımaqtastıq mäseleleri talqılanğan şağın qwramdağı kezdesudiñ nätijeli bolğanın ayttı.
Köptegen mäseleler jöninde bizde tolıq tüsinistik bar. Memleketaralıq komissiyanıñ aldağı otırısı barısında barlıq negizgi bağıttar egjey-tegjeyli pısıqtaladı. Bügingi biznes forum da isker toptarımızdıñ arasındağı ıntımaqtastıqqa öz ülesin qosatın boladı. Qazir ob'ektivti sebepterge baylanıstı tauar aynalımınıñ tömendegenine qaramastan, biz ıntımaqtastığımızdı bwdan äri de nığayta tüsu üşin mümkindikter tauıp otırmız, – dedi Nwrswltan Nazarbaev.
Ukraina Prezidenti öz kezeginde tarihi oqiğa – Qazaq handığınıñ 550 jıldığı merekelenip jatqan kezde saparlap keluge şaqırğanı üşin Nwrswltan Nazarbaevqa alğıs ayttı. P.Poroşenko bügin ötken kelissözder sauda-ekonomikalıq, gumanitarlıq jäne sayasi seriktestikti jandandıruğa septigin tigizetinine de senim bildirdi.
– Men Sizge elderimizdiñ arasındağı senimge, özara qwrmetke negizdelgen sayasi dialogtı damıtuğa degen nietiñiz üşin rizamın. Biz Qazaqstan men Ukraina qarım-qatınastarınıñ äleuetin iske asıruğa tiis ekenimizge senimdimin. Qazaqstannıñ irgeli halıqaralıq qwqıq qağidattarın berik wstanatındığı, sonday-aq Sizdiñ eldiñ halıqaralıq wyımdarda joğarı röl atqarıp otırğanı men üşin jäne bükil ukrain halqı üşin asa mañızdı, – dep atap ötti Ukraina Prezidenti.
Aq orda baspa söz qızmeti
Pikir qaldıru