MN17 apatı esebi: key saualğa jauap joq
kerey.kz
Qazannıñ 13-i küni Niderland mamandarı Malaysia Airlines kompaniyasına tiesili Boeing wşağınıñ 2014 jılı şildede Ukrainanıñ şığısında apatqa wşırau sebebine qatıstı tüpkilikti resmi esebin jariyaladı.
Niderland qauipsizdik keñesiniñ malayziyalıq Boeing apatına qatıstı esebinen alınğan suret.
Niderland qauipsizdik keñesi Ukrainanıñ şığısında atıp tüsirilgen malayziyalıq Boeing apatına qatıstı 15 ayğa sozılğan tekseru nätijeleri boyınşa tüpkilikti esebin jariyaladı.
Resmi esepte jaña derekter keltirilgenimen, 2014 jıldıñ şildesinde 298 adamnıñ ömirin qiğan tragediyağa qatıstı jayttar tolıq aşılmağan.
Belgilisi:
● Wşaqqa BUK zenit-zımıran qondırğısınan atılğan 9M38 seriyalı zımırannıñ 9N314M (9N314M) oqtwmsığı tigen.
● Qondırğı Ukrainanıñ şığısındağı 320 şarşı kilometr aumaqtı qamtitın audanda ornalasqan. Esep avtorlarınıñ mälimdeuinşe, wşaqqa meteorit nemese äueden atılğan zımıran timegen jäne bortta jarılıs bolmağan.
● Snaryad wşaqqa bir metrdey jetpey, yağni wşqıştar kabinasınan bir tekşe metrdey sol jäne joğarğı jaq twsınan jarılğan. Kabinadağı üş ekipaj müşesi jarıqşaq elementteri tiip qaza tapqan, wşaq äuede kül-talqanı şıqqan.
● Wşaq sınıqtarı 50 şarşı kilometr aumaqqa şaşılğan.
Qauipsizdik keñesi tekserudi kinäli jandardı anıqtau maqsatında jürgizbegendikten, tüpkilikti esepte mınaday mañızdı eki swraqqa naqtı jauap joq:
1. Boeing wşağın däl qay twstan atqan?
Niderland qauipsizdik keñesi basşısı Çibbe YAustranıñ (Tibbe Joustra) aytuınşa, zımıran atılğan naqtı orındı anıqtau üşin qosımşa tekseru jürgizu qajet.
Jürgizilgen esepteuler men ölşeulerge säykes, zımıran Ukrainanıñ şığıs jağındağı 320 şarşı kilometr aumaqtı qamtitın territoriyadan atılğan:
Ukraina tarabınıñ dereginşe, wşaq apatqa wşırağan küni şayqas aymağı kartası mınaday bolğan (separatister baqılauındağı territoriya ştrihtalğan):
Mına karta men negizgi eldimekendermen (türli-tüsti boyaumen bölingen) qiyulastırğanda mınaday qorıtındı şığadı:
2. Boeing-ti kim atqan?
YAustranıñ sözinde de, resmi esepte de wşaqtı apatqa wşıratqan zımırandı kim atqanı habarlanbaydı. Tipti zımıran kimniñ territoriyasınan atılğanın körsetetin tikeley aqparat joq.
https://youtu.be/iGm00TdqirY
***
Esep jariyalanğannan keyin Malayziya prem'er-ministri «endi biz wşaqtı separatister baqılauında bolğan territoriyadan jäne Reseyde jasalğan BUK zımıranımen atıp tüsirgenin bilemiz» dep mälimdedi:
https://twitter.com/KiritRadia/status/653931838105354240?ref_src=twsrc%5Etfw
TASS agenttigi Resey sırtqı ister ministri orınbasarı Sergey Ryadkovtıñ esepti «birjaqtı qorıtındı jasap, sayasi tapsırıstı orındauğa tırısu» dep atağan sözin keltirgen.
***
BUK qondırğısın şığaratın äri Batıs elderi sankciyasına ilikken «Almaz-Antey» koncerni Niderland esebin jariyalardan birer sağat bwrın baspasöz jiının ötkizip, apatqa qatıstı öz boljamın mälimdedi.
Koncern mamandarınıñ mälimdeuinşe, apat bolğan sätte zımıran Ukraina äskeri baqılauında bolğan Zaroşenskoe eldimekeni mañınan atılğan.
Ukraina tarapı zımıran reseyşil separatister baqılauında bolğan territoriyadan – Snejnoe qalası tübinen atılğan dep esepteydi. Jariya derek közder boyınşa öz tekseruin jürgizgen Bellingcat tobı sarapşıları da osınday qorıtındığa kelgen.
Olardıñ dereginşe, Boeing wşağın Reseydiñ äue şabuılınan qorğaytın 53-brigadasınıñ (Kursk) Reseyden jetkizilgen BUK qondırğısınan atıp tüsirgen.
***
2014 jılı şildeniñ 17-si küni jergilikti uaqıt boyınşa şamamen sağat 16:20-da Ukrainanıñ Doneck oblısınıñ şığısında Malaysia Airlines kompaniyasınıñ Amsterdam – Kuala-Lumpur, MN17 reysi boyınşa wşıp bara jatqan Boeing 777-200ER jolauşılar wşağı küyrep, borttağı 298 adamnıñ bäri mert bolğan.
“Nastoyaşee Vremya” bağdarlamasınıñ materialı orıs tilinen audarıldı.
Pikir qaldıru