Osılayşa, Qazaqstan Ortalıq Aziyanıñ Euroodaqpen bärin qamtitın jaña qwjatqa qol qoyğan alğaşqı eli boldı.

Jaña kelisim sauda-ekonomikalıq jäne investiciyalıq saladağı, onıñ işinde Qazaqstannıñ Düniejüzilik sauda wyımına qosıluın jäne Euraziyalıq ekonomikalıq odaqtı damıtudı qosa alğanda, QR men EO arasındağı özara is-qimıl şeñberin edäuir wlğaytadı jäne ıntımaqtastıq üşin jaña mümkindikter aşadı.

Qazaqstan men Euroodaq qatınastardıñ twjırımdamalıq jaña deñgeyine köşuge jäne atalğan kelisim qamtitın 29 saladağı özara tiimdi seriktestikti jandandıruğa dayın ekendikterin bildirude. Intımaqtastıq bağıttarına ekonomika jäne qarjı, kölik, energetika, qorşağan ortanı qorğau, bilim jäne zertteu, sonday-aq derekterdi qorğau, köşi-qon, zañnıñ üstem boluı, sıbaylas jemqorlıqqa qarsı küres salaları kiredi. Taraptar sonımen qatar terrorizmge jäne transwlttıq wyımdasqan qılmısqa qarsı kürestegi ıntımaqtastıqtı küşeytudi, halıqaralıq jäne öñirlik qauipsizdik pen twraqtılıqqa kömektesudi közdeude.

Jaña kelisim şeñberindegi ıntımaqtastıqtıñ mañızdı bağıttarınıñ biri azamattardıñ özara saparların jeñildetu bolıp tabıladı. Osı orayda, Astanadağı kelissözder barısında osı bağıttağı äri qarayğı qadamdar talqığa salındı. E. Idırısov atap ötkendey, Qazaqstan vizalıq sayasat salasında wlttıq zañnamanı europalıq normalarmen üylestirumen qatar, şeteldik azamattardıñ Qazaqstanğa keluin jeñildetuge de eleuli köñil bölip keledi. Mısalı, 2014 jılğı jazdan bastap älemniñ 20 damığan eline Qazaqstanğa vizalıq talaptarsız keluge rwqsat beretin pilottıq joba jüzege asuda. Olardıñ köbisi europalıq elder. QR SİM basşısı europalıq taraptıñ jauaptı äreketine pozitivti közqarasına senetinin jetkizdi.

Keñeytilgen seriktestik jäne ıntımaqtastıq turalı kelisimge qol qoyu Qazaqstan men EO qatınastarın damıtu men nığaytuda mañızdı kezeñ bolıp, bwl qatınastardıñ sapalı jaña deñgeyge ötkenin körsetti.

Qwjatqa qol qoyu räsimi Qazaqstan Prem'er-Ministri Kärim Mäsimovtıñ qatısuımen ötti.

Qazaqstan Respublikası men Europalıq Qoğamdastıq jäne oğan müşe memleketter arasındağı seriktestik pen ıntımaqtastıq turalı birinşi Kelisim 1995 jılğı 23 qañtarda 10 jıl merzimge qol qoyılıp, ol 1999 jılğı 1 şildede küşine endi. 

Qazaqstan men EO arasındağı keñeytilgen seriktestik pen ıntımaqtastıq turalı jaña kelisim boyınşa kelissözder 2011 jılğı 27 mausımda Bryussel'de bastaldı.

2014 jılğı 9 qazanda QR Prezidenti N.Nazarbaevtıñ Bryussel'ge resmi saparı barısında Qazaqstan men Europalıq Odaq arasındağı keñeytilgen seriktestik pen ıntımaqtastıq turalı kelisim boyınşa kelissözderdi ayaqtau turalı hattamağa qol qoyıldı. 

Bügingi tañda Europalıq Odaq Qazaqstannıñ iri sauda seriktesi bolıp tabıladı. EO-men sırtqı sauda 2014 jıldıñ qorıtındısı boyınşa 53 mlrd. dollardan astam somanı qwradı. Bwl QR-nıñ barlıq sırtqı sauda aynalımınıñ 53,2%-ına teñ. 2015 jıldıñ qañtarı men qırküyegi aralığındağı kezeñde atalğan körsetkiş 24,5 mlrd. dollardı qwradı. Ol Qazaqstannıñ sırtqı saudasınıñ jalpı köleminiñ 51,8%-ın säykes keledi. 

QR SİM baspa söz qızmeti