Aqpan ayında mektep oqu­şı­larına arnalğan «Al­go­rifm» jur­nalınıñ biılğı birinşi nö­miri jarıq körgen bolatın. Bwl basılımnıñ bas redaktorı äri qwrıltayşısı – Ayman Öteşova.
Eki ayda bir şığatın jaña jurnalda akademik Asqar Jw­madildaevtıñ 60 jıldığına oray swhbatı jäne 35 «Altın belgi» şığarğan Oñtüstik Qazaq­stan ob­lısındağı Maq­taaral audanınıñ Jetisay qalasındağı B.Momışwlı atındağı mektep-gimnaziyası turalı maqala berilgen. Onda atalmış mektep direktorı Ömirhan Qozıbaqtıñ qızıqtı oqıtu ädistemeleri men akademik Asqar Jwmadildaevtıñ esep-jwmbağı, erlikke para-par eñbekteri jan-jaqtı aşıl­ğan.
Sonımen qosa, fizika jäne matematika taqırıptarına ar­nal­ğan qızıqtı maqalalar bar. Süysinetin jayt – osı basılımda akademik Asqar Jwmadildaev matematikanı şemişkeşe şağatın bala­larğa teñdeu jasırıp otır. Ğalımnıñ jurnalğa bergen swhbatında mınaday joldar bar.
– Balalarğa qanday qı­zıqtı swrağıñız bar?
– Swraq köp. Mısalı h!+1=y2. Osı teñdeudiñ bütin şeşimderin tabu kerek. Eki şeşimin aytıp bereyin. h=4, y=5, x! =24. 24+1=25. Tağı bir şeşimi, x=5, y=11, 5!+1=120+1=121. Üşinşi şeşimi bar, balalar sonı tapsa deymin. Törtinşi şeşimi bar ma, joq pa? Törtinşi şeşimin tapqan balağa 1000 $ sıyaqı beremin. Eger meniñ 60 jıldıq mereytoyıma oray törtinşi şeşimdi tabatın talanttı bala tabılsa, onda mağan ülken sıy­lıq bolar edi.
Osı eseptiñ jauabın birin­şi bolıp şığarğan oqu­şı «Al­gorifm» jurnalı redakciya­sına jazılu tübir­tegimen qosa habarlassın, dep­ti akademik.

Aynaş ESALI,
«Egemen Qazaqstan».

ALMATI.